ഹിന്ദുത്വ രാഷ്ട്രീയം കേരളത്തില് ക്ലച്ച് പിടിക്കുന്നുണ്ടെന്ന് കെ. സുരേന്ദ്രന്. കേരളത്തില് ക്രൈസ്തഭ സഭ ബി.ജെ.പിയെ പിന്തുണക്കുമെന്നും കെ. സുരേന്ദ്രന് പറഞ്ഞു. പുതുപള്ളിയിലെ ബി.ജെ.പി വോട്ടുചോര്ച്ച ഉമ്മന്ചാണ്ടി വികാരം കാരണമാണ്. കേരള ബിജെപിക്ക് വിചാരിച്ചത് പോലെ റിസള്ട്ട് ഉണ്ടാകുന്നില്ല എന്നത് ശരിയാണെന്നും കോണ്ഗ്രസ്സിന് വേണ്ടി ഒരു മാധ്യമസംഘം പ്രവര്ത്തിക്കുന്നുണ്ടെന്നും സുരേന്ദ്രന് പറഞ്ഞു.
പ്രസിഡന്റ് സ്ഥാനം താന് എന്ന് വേണമെങ്കിലും ഒഴിയാമെന്നും ദേശീയ നേതൃത്വമാണ് അക്കാര്യങ്ങളെല്ലാം തീരുമാനിക്കുന്നതെന്നും പ്രസിഡന്റ് സ്ഥാനം ഒഴിഞ്ഞാലും കേരള ബി.ജെ.പിയില് സജീവമായിരിക്കുമെന്നും സുരേന്ദ്രന് പറഞ്ഞു. കേന്ദ്ര മന്ത്രിമോഹം തനിക്ക് ഇല്ല. റിസള്ട്ട് ഇല്ലാത്ത സംസ്ഥാനത്തിന് ഇനി കേന്ദ്ര മന്ത്രി പദവി ലഭിക്കും എന്ന് പ്രതീക്ഷയില്ലെന്നും അദ്ദേഹം വ്യക്തമാക്കി. വന്ദേ ഭാരതിന്റെ ക്രെഡിറ്റ് എടുക്കാന് എം.പിമാര് തമ്മില് മത്സരിക്കുന്നത് നാണക്കേടാണെന്നും സുരേന്ദ്രന് പറഞ്ഞു.
സുരേഷ് ഗോപിയുടെ വിഷയത്തിലും കെ സുരേന്ദ്രന് പ്രതികരിച്ചു. സുരേഷ് ഗോപിയുടെ നിയമനം താന് അറിഞ്ഞത് ടാകൂറിന്റെ ട്വീറ്റിലൂടെയാണ്. സത്യജിത്ത് റായ് ഇന്സ്റ്റിറ്റ്യൂട്ട് അദ്ധ്യക്ഷന് സ്ഥാനാര്ത്ഥിയാകാന് തടസമില്ലെന്നും സുരേന്ദ്രന് പറഞ്ഞു. സുരേഷ് ഗോപിക്ക് തന്നെ കുറിച്ച് ഒരു തരിമ്പ് പരാതി പോലുമില്ല. എന്നാല് സുരേഷ് ഗോപിയുടെ പേരിലും തനിക്ക് നേരെ മാധ്യമവേട്ട നടക്കുകയാണെന്നും കെ സുരേന്ദ്രന് വിമര്ശിച്ചു.
