ബാള്ട്ടിമോര്: അമേരിക്കയിലെ പ്രമുഖ മലയാളി സംഘടനയായ കൈരളി ഓഫ് ബാള്ട്ടിമോറിന്റെ ക്രിസ്മസ്, പുതുവത്സര ആഘോഷങ്ങള് ഡിസംബര് 30ന്. എല്ലികോട്ട് സിറ്റിയിലെ ഹവാര്ഡ് ഹൈസ്കൂളിലാണ് (Howard High School, 8700 Old Annapolis Rd, Ellicott City, MD 21043) പരിപാടി സംഘടിപ്പിക്കുന്നത്. ഡിസംബര് മുപ്പതിന് വൈകുന്നേരം നാല് മണിക്ക് പൊതുയോഗം നടക്കും. അഞ്ച് മണി മുതല് ക്രിസ്മസ് പരിപാടികള് അരങ്ങേറും. വിഭവസമൃദ്ധമായ ഭക്ഷണവും ഒരുക്കിയിട്ടുണ്ട്.
ഭക്ഷണത്തിനു ശേഷം ന്യൂജഴ്സിയിലെ ട്രൈസ്റ്റേറ്റ് ഡാന്സ് ടീമിന്റെ ഡീജെ ഉണ്ടായിരിക്കുമെന്ന് പ്രസിഡന്റ് വിജോയ് പട്ടമാടി, വൈസ് പ്രസിഡന്റ് മെയ്ജോ മൈക്കേല്, സെക്രട്ടറി ലെന്ജി ജേക്കബ്, ട്രഷറര് ആഷിഷ് എന്നിവര് അറിയിച്ചു. കൈരളി മെമ്പര്മാര്ക്കായി പ്ലം കേക്ക് നിര്മാണ മത്സരവും സംഘടിപ്പിക്കുന്നുണ്ട്.
കൈരളി അംഗങ്ങള്ക്ക് ലൈവ് പരിപാടികളില് പങ്കെടുക്കാം. ഹ്യൂമര്, ഗെയിംസ് പരിപാടികളുമായി ജെസ്റ്റര് ജെറിയുടെ പ്രകടനവും ക്രിസ്മസ് ആഘോഷങ്ങള്ക്ക് കൊഴുപ്പേകും.
