തിരുവനന്തപുരം: സ്വര്ണവില ഇന്ന് സര്വകാല റെക്കോര്ഡില്. പവന് 600 രൂപയാണ് ഇന്ന് വര്ധിച്ചത്. 46,760 രൂപയാണ് ഒരു പവന് സ്വര്ണ്ണത്തിന്. ഗ്രാമിന് 75 രൂപ ഉയര്ന്ന് 5,845 രൂപയായി. ചരിത്രത്തില് ആദ്യമായാണ് സ്വര്ണ്ണത്തിന് ഇത്തരത്തില് വില വര്ധിക്കുന്നത്. ബുധനാഴ്ച ഒറ്റയടിക്ക് 600 രൂപ വര്ധിച്ച് വില 46,480 ലേക്ക് വില എത്തിയിരുന്നു. ഇന്നലെ പവന് 160 രൂപ വര്ധിച്ചിരുന്നു. ഒരു ഗ്രാം 18 കാരറ്റ് സ്വര്ണത്തിന്റെ വില 4785 രൂപയാണ്.
അമേരിക്കന് ഫെഡറല് റിസര്വ് പലിശ നിരക്ക് ഉടനെ ഉയര്ത്തില്ലന്ന റിപ്പോര്ട്ടാണ് സ്വര്ണ്ണവില റെക്കോഡ് നിലയിലേക്ക് കുതിക്കാന് കാരണമെന്നാണ് വിവരം. ഫെഡറല് റിസര്വ് പലിശ നിരക്ക് ഇനി ഉടനെ ഉയര്ത്തില്ലന്നും, കുറയ്ക്കാനുള്ള സാധ്യതകളാണെന്നുമുള്ള സൂചന ലഭിച്ചതിനു പിന്നാലെയാണ് സ്വര്ണ്ണവില വര്ധിച്ചത്. അതേസമയം ചൈനയില് പുതിയ വൈറസ് പടരുന്നുവെന്നുള്ള വാര്ത്തയും സ്വര്ണ്ണവിയ ഉയര്ത്താന് കാരണമായിട്ടുണ്ട്.
അതേസമയം വെള്ളിയുടെ വിലയില് മാറ്റമില്ല. ഒരു ഗ്രാം സാധാരണ വെള്ളിയുടെ വില 82 രൂപയാണ്. ഒരു ഗ്രാം ഹാള്മാര്ക്ക് വെള്ളിയുടെ വിപണി വില 103 രൂപയാണ്.
