തിരുവനന്തപുരം: ഇരുപത്തിയെട്ടാം കേരള രാജ്യാന്തര ചലച്ചിത്രമേളയുടെ (ഐഎഫ്എഫ്കെ) ഡെലിഗേറ്റ് രജിസ്ട്രേഷൻ നാളെ മുതൽ. www.iffk.in എന്ന വെബ്സൈറ്റില് നല്കിയിട്ടുള്ള ലിങ്ക് വഴി നാളെ 10 മണി മുതൽ രജിസ്ട്രേഷൻ ചെയ്യാനുള്ള സൗകര്യമാണ് തയ്യാറാക്കിയിട്ടുള്ളത്. മേളയുടെ മുഖ്യവേദിയായ ടാഗോര് തിയേറ്ററില് സജ്ജീകരിച്ചിട്ടുള്ള ഡെലിഗേറ്റ് സെല് മുഖേന നേരിട്ടും രജിസ്ട്രേഷന് നടത്താം.
ഡിസംബർ എട്ട് മുതൽ പതിനഞ്ച് വരെയാണ് മേള അരങ്ങേറുന്നത്. പൊതുവിഭാഗത്തിന് ജിഎസ്ടി ഉള്പ്പെടെ 1180 രൂപയും വിദ്യാര്ത്ഥികള്ക്ക് ജിഎസ്ടി ഉള്പ്പെടെ 590 രൂപയുമാണ് ഡെലിഗേറ്റ് ഫീസ്.
വിവിധ രാജ്യങ്ങളില്നിന്നുള്ള 180 ഓളം ചിത്രങ്ങളാണ് ഇത്തവണ ഐഎഫ്എഫ്കെയിൽ പ്രദര്ശിപ്പിക്കുന്നത്. 15 തിയേറ്ററുകളിലായാണ് പ്രദര്ശനം. സംവിധായകരും സാങ്കേതിക പ്രവര്ത്തകരും ജൂറി അംഗങ്ങളുമുള്പ്പെടെ വിവിധ വിദേശരാജ്യങ്ങളില്നിന്നുള്ള നൂറില്പ്പരം അതിഥികള് മേളയില് പങ്കെടുക്കും.
ഡിസംബര് എട്ടിന് നിശാഗന്ധിയില് നടക്കുന്ന ഉദ്ഘാടനച്ചടങ്ങില് ‘സ്പിരിറ്റ് ഓഫ് സിനിമ’ അവാര്ഡ് നല്കി കെനിയന് സംവിധായിക വനൂരി കഹിയുവിനെ ആദരിക്കും. മേളയുടെ ഭാഗമായി ഓപ്പണ് ഫോറം, മീറ്റ് ദ ഡയറക്ടര്, ഇന് കോണ്വര്സേഷന്, എക്സിബിഷന്, കലാസാംസ്കാരിക പരിപാടികള് എന്നിവയും നടക്കും.
