ന്യൂഡല്ഹി: ഭീകരതയ്ക്കും സംഘര്ഷത്തിനും ഇന്ത്യ എതിരാണെന്ന് പ്രധാനമന്ത്രി നരേന്ദ്ര മോദി. ഇന്ത്യ ആതിഥേയത്വം വഹിക്കുന്ന വെര്ച്വല് വോയ്സ് ഓഫ് ഗ്ലോബല് സൗത്ത് ഉച്ചകോടിയുടെ ഉദ്ഘാടന സമ്മേളനത്തില് സംസാരിക്കുകയായിരുന്നു മോദി. ഇസ്രയേല്-ഹമാസ് യുദ്ധത്തില് നിരപരാധികളായ സാധാരണക്കാര് കൊല്ലപ്പെടുന്നതിനെ പ്രധാനമന്ത്രി ശക്തമായി അപലപിച്ചു.
ഇസ്രയേല്-ഹമാസ് യുദ്ധത്തില് നിരപരാധികളായ സാധാരണക്കാര് കൊല്ലപ്പെടുന്നതിനെ പ്രധാനമന്ത്രി ശക്തമായി അപലപിച്ചു. ഒക്ടോബര് ഏഴിന് ഇസ്രയേലിനെതിരെ നടന്നത് ക്രൂരമായ ഭീകരാക്രമണമാണ്. അതിനെ ഇന്ത്യ ശക്തമായി അപലപിക്കുന്നു. എന്നാല് അതിന്റെ പേരില് സാധാരണക്കാര് കൊല്ലപ്പെടുന്നത് ദുഃഖകരമാണ്. അതിനെ അപലപിക്കുന്നുവെന്നും പ്രധാനമന്ത്രി പറഞ്ഞു.
സംഘര്ഷത്തില് ഇരു രാജ്യങ്ങളും സംയമനം പാലിക്കാനും ചര്ച്ചയിലൂടെയും നയതന്ത്ര തലത്തിലും ഊന്നല് നല്കി പ്രശ്നപരിഹാരത്തിന് ശ്രമിക്കാനും മോദി ആവശ്യപ്പെട്ടു. സംയമനം പാലിക്കുകയും ചര്ച്ചകള്ക്ക് മുന്ഗണന നല്കുകയുമാണ് സംഘര്ഷ പരിഹാരത്തിന്റെ അടിസ്ഥാന ശിലകളാകേണ്ടതെന്നും പ്രധാനമന്ത്രി പറഞ്ഞു.
