അതിദാരിദ്ര്യം അനുഭവിക്കുന്നവര് ഇല്ലാത്ത നാടായി സംസ്ഥാനത്തെ മാറ്റാനാണ് ശ്രമമെന്ന് തിരുവനന്തപുരത്ത് മാധ്യമപ്രവര്ത്തകരോട് സംസാരിക്കവെ മുഖ്യമന്ത്രി പിണറായി വിജയന് പറഞ്ഞു. അതിദാരിദ്ര്യ രേഖക്ക് താഴെയാണെന്ന് കണ്ടെത്തിയ 64000ത്തില് പരം കുടുംബങ്ങളെ സാമ്പത്തികമായി ഉയര്ത്താന് വ്യക്തമായ മൈക്രോ പ്ലാന് തയ്യാറാക്കുമെന്നും മുഖ്യമന്ത്രി പറഞ്ഞു. മാലിന്യ മുക്ത നവകേരളം പദ്ധതി പുരോഗമിക്കുകയാണെന്നും മുഖ്യമന്ത്രി കൂട്ടിച്ചേര്ത്തു.
മേഖലാ അവലോകന യോഗങ്ങള് ജനപങ്കാളിത്ത വികസനത്തിന്റെയും ഭരണ അവലോകനത്തിന്റെയും മാതൃകയായി മാറി. സംസ്ഥാന മന്ത്രിസഭ ഒന്നാകെ ഉദ്യോഗസ്ഥരുമായി ചര്ച്ച ചെയ്ത് വികസന കാര്യങ്ങളില് പരിഹാരം ആണ് ഉദ്ദേശിച്ചത്. മേഖലാ യോഗങ്ങള് പുതിയ ഭരണ നിര്വഹണ ശൈലിയായി മാറി. ഏറ്റെടുത്ത ലക്ഷ്യം ഫലപ്രദമായി പൂര്ത്തിയാക്കാനായെന്നും മുഖ്യമന്ത്രി പറഞ്ഞു.
2022-2023 സാമ്പത്തിക വര്ഷത്തില് ലൈഫ് മിഷന്റെ ഭാഗമായി 54,648 വീടുകള് പൂര്ത്തിയാക്കിയിട്ടുണ്ട്. നടപ്പ് സാമ്പത്തിക വര്ഷം 11,757 വീടുകള് ഇതിനകം പൂര്ത്തീകരിച്ചുവെന്നും മുഖ്യമന്ത്രി പറഞ്ഞു. 25,000 വീടുകള് നിര്മ്മാണത്തിന്റെ വിവിധ ഘട്ടങ്ങളിലാണെന്നും മുഖ്യമന്ത്രി പറഞ്ഞു.
