തിരുവനന്തപുരം: വിഡി സതീശന്, പറവൂരിന് പുറത്ത് ലോകം കണ്ടത് പ്രതിപക്ഷ നേതാവ് ആയശേഷമെന്ന് മന്ത്രി മുഹമ്മദ് റിയാസ്. താന്പ്രമാണിത്തത്തിന്റെ ആള്രൂപമാണ് സതീശനെന്നും മുഹമ്മദ് റിയാസ് വിമര്ശിച്ചു. അടുത്ത പ്രതിപക്ഷ നേതാവിനുള്ള സീറ്റ് ബുക്കിങ് ടവ്വല് മാത്രമാണ് സതീശനെന്നും റിയാസ് പറഞ്ഞു. കഴിഞ്ഞ ദിവസം മന്ത്രി മുഹമ്മദ് റിയാസിനെതിരെ പ്രതിപക്ഷ നേതാവ് രൂക്ഷ വിമര്ശനം നടത്തിയിരുന്നു. അതിന് മറുപടിയായാണ് മന്ത്രിയുടെ വിമര്ശനം.
മാനേജ്മെന്റ് ക്വാട്ടയില് മന്ത്രിയായതിന്റെ കുഴപ്പമാണ് മുഹമ്മദ് റിയാസിനെന്നും മൂക്കാതെ പഴുത്തയാളാണ് റിയാസെന്നുമായിരുന്നു വിഡി സതീശന്റെ പരിഹാസം. കേടായ റോഡിലെ കുഴി എണ്ണട്ടെ പൊതുപരാമത്ത് മന്ത്രിയെന്നും തന്റെ പാര്ട്ടിയിലെ സ്വാധീനമളക്കാന് റിയാസ് വരേണ്ടെന്നും വിഡി സതീശന് തിരുവനന്തപുരത്ത് പറഞ്ഞിരുന്നു. മാസപ്പടി വിവാദം വന്നപ്പോള് നാവ് ഉപ്പിലിട്ട് വച്ചിരുന്ന ആളാണ് പൊതുപരാമത്ത് മന്ത്രി. ഇപ്പോള് തനിക്കെതിരെ പറയാനായി ഇറങ്ങിയിരിക്കുന്നുവെന്നും സതീശന് വിമര്ശിച്ചു.
മുഖ്യമന്ത്രി കൂട്ടിലിട്ട തത്തയെ പോലെയായിരുന്നു. ചട്ടമ്പികള്ക്ക് കള്ള് വാങ്ങിച്ചു കൊടുത്തു ചീത്തവിളിപ്പിക്കുന്ന പ്രമാണിമാരുടെ സ്ഥിതിയിലാണ് മുഖ്യമന്ത്രി. 17 സദസ്സുകളില് പ്രതിപക്ഷ നേതാവിന്റെ മാനസിക നില തകരാറിലാണെന്ന് മുഖ്യമന്ത്രി പറഞ്ഞു. എന്നിട്ടാണ് തന്നോട് മാന്യമായി സംസാരിക്കണം എന്ന് പറയുന്നത്. നാളെ മന്ത്രിമാരില് പലരും കരുതല് തടങ്കലില് നിന്ന് മോചിതരാകുമെന്നും സതീശന് കൂട്ടിച്ചേര്ത്തു.
