ഡാളസ്: നോര്ത്ത് അമേരിക്ക യൂറോപ്പ് ഭദ്രാസന യുവജനസഖ്യത്തിന്റെ ആഭിമുഖ്യത്തില് ക്രിസ്തുമസ് ഗാനശുശ്രൂഷ ‘ബേത്ലഹേം നാദം’ ഡിസംബര് 23 ശനിയാഴ്ച വൈകിട്ട് 7:30 മണിക്ക് നടത്തപ്പെടുന്നു. ഭദ്രാസന അധിപന് റൈറ്റ്. റവ.ഡോ. ഐസക് മാര് ഫിലക്സിനോസ് എപ്പിസ്കോപ്പാ ക്രിസ്തുമസ് സന്ദേശം നല്കും. ഭദ്രാസനത്തില് ഉള്ള വിവിധ ശാഖകളിലെ യുവജനസഖ്യത്തിന്റെ ഗായകസംഘങ്ങള് ഗാനങ്ങള് ആലപിക്കും.
യേശുക്രിസ്തുവിന്റെ ജനനത്തെ ഓര്ക്കുന്ന ഈ കാലയളവില്, ഗായകസംഘങ്ങള് ആലപിക്കുന്ന ഗാനങ്ങള് കേള്വിക്കാരുടെ ഹൃദയങ്ങളില് ശാന്തിയും സമാധാനവും പ്രത്യാശയും നിറക്കുമെന്ന് ഭദ്രാസന യുവജനസഖ്യം വൈസ് പ്രസിഡന്റ് റവ. സാം കെ ഈശോ പ്രത്യാശ പ്രകടിപ്പിച്ചു. ക്രിസ്തുമസ് ഗാനശുശ്രൂഷയുടെ തല്സമയ പ്രക്ഷേപണം Mar Thoma Media, DSMC, Abba News എന്നീ മാധ്യമങ്ങളിലൂടെ ലഭ്യമാണെന്ന് ഭദ്രാസന ഭാരവാഹികള് അറിയിച്ചു.
