ശ്രീനഗര്‍: ജമ്മുകശ്മീരിലെ പൂഞ്ച് ജില്ലയിലുണ്ടായ ഭീകരാക്രമണത്തില്‍ ഒരു സൈനികനു കൂടി വീരമൃത്യു. ഇതോടെ കൊല്ലപ്പെട്ട സൈനികരുടെ എണ്ണം നാലായി. ജമ്മകശ്മീരിലെ പൂഞ്ചിലാണ് സൈനിക വാഹനങ്ങള്‍ക്കു നേരെ ഭീകരാക്രമണമുണ്ടായത്. ഭീകരാക്രമണത്തില്‍ ഇന്നലെ മൂന്നു സൈനികര്‍ കൊല്ലപ്പെട്ടിരുന്നു. മൂന്നു പേര്‍ക്ക് ഗുരുതരമായി പരുക്കേല്‍ക്കുകയും ചെയ്തിരന്നു.
പൂഞ്ചിലെ താനാമണ്ടി മേഖലയില്‍ വച്ചാണ് സൈനിക വാഹനത്തിനു നേരെ തീവ്രവാദികള്‍ വെടിയുതിര്‍ത്തത്. ഭീകരാക്രമണമുണ്ടായ സാഹചര്യത്തില്‍ കൂടുതല്‍ സൈനികരെ പ്രദേശത്തേക്ക് അയച്ചിട്ടുണ്ട്. രജൗരി സെക്ടറിലെ തനമണ്ടി മേഖലയില്‍ വൈകീട്ട് 3.45 ഓടെയാണ് രണ്ട് സൈനിക വാഹനങ്ങള്‍ക്ക് നേരെ ആക്രമണമുണ്ടായത്. നിലവില്‍ പ്രദേശം സൈന്യം വളഞ്ഞിരിക്കുകയാണ്. സുരന്‍കോട്ട് ജനറല്‍ ഏരിയ, പൂഞ്ചിലെ ബഫ്ലിയാസ് മേഖലകളിലാണ് സൈന്യത്തിന്റെ സംയുക്ത ഓപ്പറേഷന്‍ നടക്കുന്നത്.
