ന്യൂയോര്‍ക്ക്: ലോകത്ത് ഏറ്റവും കൂടുതല്‍ പ്രതിഫലം വാങ്ങുന്ന വനിതാ അത്ലറ്റുകളുടെ പട്ടിക പുറത്തിറക്കി ഫോര്‍ബ്‌സ്. ബാഡ്മിന്റണ്‍ താരം ഇന്ത്യയുടെ പി.വി. സിന്ധു പട്ടികയില്‍ ഇടം പിടിച്ചിട്ടുണ്ട്. ഏറ്റവുമധികം പ്രതിഫലം വാങ്ങുന്ന അത്ലറ്റുകളുടെ പട്ടികയില്‍ പതിനാറാം സ്ഥാനത്താണ് 28കാരിയായ പിവി സിന്ധു. 7.1 മില്യണ്‍ ഡോളറാണ് സിന്ധുവിന്റെ ആസ്തി.
2019-ലെ ബാഡ്മിന്റണ്‍ ലോക ചാമ്പ്യനായ പിവി സിന്ധു രണ്ട് തവണ ഒളിമ്പിക്സ് മെഡല്‍ ജേതാവായിട്ടുണ്ട്. 2016 ല്‍ റിയോ ഡി ജനീറോയില്‍ വെള്ളിമെഡലും പിന്നീട് 2021 ല്‍ ടോക്കിയോയില്‍ വെങ്കലവും നേടി. രണ്ട് ഒളിമ്പിക് മെഡലുകള്‍ നേടിയ ആദ്യ ഇന്ത്യന്‍ വനിത കൂടിയാണ് സിന്ധു.
