തിരുവനന്തപുരം: രാജ്യത്തെ ഏറ്റവും ഉയര്ന്ന കോവിഡ് കേസുകള് റിപ്പോര്ട്ട് ചെയ്യുന്ന സംസ്ഥാനമായി കേരളം മാറിയിരിക്കെ കേന്ദ്രമന്ത്രി വിളിച്ചുചേര്ത്ത അടിയന്തര കോവിഡ് വിലയിരുത്തല് യോഗം ഇന്ന്. സംസ്ഥാനത്തെ സ്ഥിതി നിയന്ത്രണ വിധേയമെന്നാണ് യോഗത്തില് കേരളം അറിയിക്കുക.
കൊവിഡ് കേസുകളില് വര്ധനയുണ്ടെങ്കിലും ആശങ്കപ്പെടേണ്ട വിധം സാഹചര്യമില്ലെന്നാണ് കേരളത്തിന്റെ വിലയിരുത്തല്. ഒമിക്രോണ് വകഭേദം റിപ്പോര്ട്ട് ചെയ്യപ്പെട്ട സാഹചര്യത്തില് മുന്കരുതല് നടപടികള് ശക്തമാക്കിയിട്ടുണ്ടെന്നും ആശുപത്രി സംവിധാനങ്ങള് സജ്ജമെന്നുമാണ് ആരോഗ്യമന്ത്രി വീണാ ജോര്ജ്ജ് അറിയിക്കുക.
അതേസമയംആശുപത്രികളില് മാസ്ക് ഉപയോഗിക്കണമെന്ന് ആരോഗ്യവകുപ്പ് നിര്ദ്ദേശിച്ചിട്ടുണ്ട്. ജില്ലാടിസ്ഥാനത്തില് ഐസോലേഷന് വാര്ഡുകള് സജ്ജമാക്കാന് നിര്ദ്ദേശമുണ്ട് രോഗലക്ഷണങ്ങള് ഉള്ളവരില് പരിശോധന ഉറപ്പാക്കും.
രോഗികളുടെ എണ്ണം ഉയരുന്ന എറണാകുളം, തിരുവനന്തപുരം ജില്ലകളില് പ്രത്യേക ശ്രദ്ധ വേണമെന്നാണ് നിര്ദ്ദേശം.
