മുന് പ്രസിഡന്റ് ഡൊണാള്ഡ് ട്രംപ് ബാങ്കുകള്ക്കും ഇന്ഷുറന്സ് കമ്പനികള്ക്കും സമര്പ്പിച്ച വാര്ഷിക സാമ്പത്തിക കണക്കുകളില് തിരിമറി കാണിച്ചെന്ന് ന്യൂയോര്ക്ക് ജഡ്ജി വിധിച്ചു. മുന് പ്രസിഡന്റിനെതിരായ സിവില് വ്യവഹാരത്തില് ന്യൂയോര്ക്കിലെ അറ്റോര്ണി ജനറല് ഉന്നയിച്ച പ്രധാന അവകാശവാദം ശരിവെക്കുന്നതായിരുന്നു വിധി. പ്രതികള് ബിസിനസ്സില് ഉപയോഗിച്ച വഞ്ചനാപരമായ മൂല്യനിര്ണ്ണയങ്ങള് തെളിവായി സമര്പ്പിച്ച രേഖകളില് വ്യക്തമായി അടങ്ങിയിരിക്കുന്നുവെന്ന് ജഡ്ജി എഴുതി.
2011 നും 2021 നും ഇടയില് ട്രംപും അദ്ദേഹത്തിന്റെ രണ്ട് മുതിര്ന്ന മക്കളും ട്രംപ് ഓര്ഗനൈസേഷനും മൊത്തം ആസ്തി മൂല്യത്തെക്കുറിച്ച് നുണ പറഞ്ഞതായി ആരോപിച്ച് അറ്റോര്ണി ജനറല് ലെറ്റിഷ്യ ജെയിംസ് കഴിഞ്ഞ സെപ്റ്റംബറില് ട്രംപിനെതിരെ കേസ് ഫയല് ചെയ്തിരുന്നു.
ബാങ്ക് ലോണുകള്ക്കും ഇന്ഷുറന്സ് ഇടപാടുകള്ക്കും മെച്ചപ്പെട്ട വ്യവസ്ഥകള് ലഭിക്കുന്നതിനും കുറഞ്ഞ നികുതി അടയ്ക്കുന്നതിനുമായി പ്രതികള് തെറ്റായ ബിസിനസ്സ് രേഖകളും സാമ്പത്തിക പ്രസ്താവനകളും നല്കിയതായി എംഎസ് ജെയിംസ് ആരോപിച്ചു. വിചാരണയില്, 250 മില്യണ് ഡോളര് പിഴയും ട്രംപിന്റെ സ്വന്തം സംസ്ഥാനത്ത് ബിസിനസ്സ് ചെയ്യുന്നതിന് നിരോധനമേര്പ്പെടുത്താനുമുള്ള വിധിയും ലെറ്റീഷ്യ ആവശ്യപ്പെടും. ജൂറി ഇതര വിചാരണ ഒക്ടോബര് 2-ന് ആരംഭിച്ച് ഡിസംബര് വരെ നീണ്ടുനില്ക്കാനാണ് സാധ്യത.
അതേസമയം ജഡ്ജിയുടെ തീരുമാനത്തെ നീതിയുടെ തെറ്റിദ്ധാരണ എന്ന് ട്രംപിന്റെ അഭിഭാഷകന് വിശേഷിപ്പിച്ചു. ട്രംപ് ഒരു ‘നിക്ഷേപ പ്രതിഭ’ ആണെന്നും മറ്റുള്ളവര് ഒന്നും കാണാത്തിടത്ത് മൂല്യം കണ്ടെത്തുന്നതില് അദ്ദേഹം ഒരു മാസ്റ്റര് ആണെന്നുമാണ് ഇത് കാണിക്കുന്നതെന്നുമായിരുന്നു ട്രംപ് അഭിഭാഷകന് ക്രിസ്റ്റഫര് കിസിന്റെ വാദം. തനിക്കെതിരായ ആരോപണങ്ങള് നിഷേധിച്ച ട്രംപ് മറ്റൊരു രാഷ്ട്രീയ ‘മന്ത്രവാദ വേട്ട’ എന്ന് അതിനെ തള്ളിക്കളഞ്ഞു.
