ഫ്ളോറിഡ: മുൻനിര റിപ്പബ്ലിക്കൻ പ്രസിഡന്റ് സ്ഥാനാർത്ഥികളിൽ ചിലർ ബുധനാഴ്ച ബുധനാഴ്ച രാത്രി 8 മണിക്ക് അവരുടെ മൂന്നാമത്തെ പ്രാഥമിക സംവാദത്തിൽ ഏറ്റുമുട്ടും. അഞ്ച് പേരാണ് സംവാദത്തിലേക്ക് യോഗ്യത നേടിയിരിക്കുന്നത്.
ഫ്ലോറിഡ ഗവർണർ റോൺ ഡിസാന്റിസ്, മുൻ സൗത്ത് കാരോലൈന ഗവർണർ നിക്കി ഹേലി, വ്യവസായി വിവേക് രാമസ്വാമി, സൗത്ത് കാരോലൈനയിലെ സെനറ്റർ ടിം സ്കോട്ട്, മുൻ ന്യൂജഴ്‌സി ഗവർണർ ക്രിസ് ക്രിസ്റ്റി എന്നിവരാണ് മൂന്നാം സംവാദത്തിൽ പങ്കെടുക്കുന്നത്.
മുൻ വൈസ് പ്രസിഡന്റ് മൈക്ക് പെൻസും, നോർത്ത് ഡക്കോട്ട ഗവർണർ ഡഗ് ബർഗവും സംവാദത്തിനുണ്ടാകയില്ല. മുൻ പ്രസിഡന്റ് ഡൊണാൾഡ് ട്രംപ് വീണ്ടും സംവാദം ഒഴിവാക്കുന്നു, പകരം ഹിയാലിയയിൽ ഒരു പ്രചാരണ റാലി നടത്തുന്നു, അത് സംവാദത്തിന് തൊട്ടുമുമ്പ് ആരംഭിക്കും.
സംവാദത്തിന് യോഗ്യത നേടുന്നതിന്, സ്ഥാനാർഥികൾ പോളിങ്ങിൽ കുറഞ്ഞത് 4 ശതമാനമെങ്കിലും നേടേണ്ടതുണ്ട്. തിങ്കളാഴ്ച രാത്രി 8 മണിക്ക് മുമ്പ് കുറഞ്ഞത് 70,000 വ്യക്തികളിൽ നിന്ന് സംഭാവന സ്വീകരിക്കുകയും വേണം. അഞ്ച് സ്ഥാനാർഥികളുടെ ബുധനാഴ്ചത്തെ സംവാദം 2016 ഫെബ്രുവരിക്ക് ശേഷമുള്ള ഏറ്റവും ചെറിയ റിപ്പബ്ലിക്കൻ പ്രൈമറി ഡിബേറ്റാക്കി മാറ്റുന്നു. പ്രാഥമിക ക്യാംപെയ്നിലെ ആദ്യത്തേതാണ് ബുധനാഴ്ചത്തെ സംവാദം.
