തൃശൂര്‍: ഒരു നാടിനെ ഒന്നാകെ നടുക്കി അതിദാരുണ അപകടം. തൃശൂര്‍ നാട്ടികയില്‍ തടി കയറ്റി വന്ന ലോറി ഉറങ്ങിക്കിടന്നവരിലേക്ക് നിയന്ത്രണം വിട്ട് പാഞ്ഞുകയറി. 5 പേര്‍ മരിക്കുകയും ഏഴു പേര്‍ക്ക് പരുക്കേറ്റല്‍ക്കുകയും ചെയ്തു. മരിച്ചവരില്‍ രണ്ട് പേര്‍ കുട്ടികളാണ്. കാളിയപ്പന്‍ (50), ജീവന്‍ (4), നാഗമ്മ (39), ബംഗാഴി (20) എന്നിവരാണ് മരിച്ചവരിലുള്ളത്. നാടോടികള്‍ക്കാണ് അപകടം സംഭവിച്ചത്.
പരുക്കേറ്റവരെ തൃശൂര്‍ മെഡിക്കല്‍ കോളേജിലേക്ക് മാറ്റി. പുലര്‍ച്ചെ 4 ന് നാട്ടിക ജെകെ തിയേറ്ററിനടുത്താണ് അപകടമുണ്ടായത്. ഇവര്‍ ഉറങ്ങിക്കിടന്ന സ്ഥലത്തേക്ക് നിയന്ത്രണം തെറ്റിയ ലോറി പാഞ്ഞു കയറുകയായിരുന്നു. സംഭവ സ്ഥലത്തുവെച്ചു തന്നെ 5 പേരും മരിച്ചു. കണ്ണൂരില്‍ നിന്ന് കൊച്ചിയിലേക്ക് പോവുന്ന തടി കയറ്റിയ ലോറിയാണ് അപകടമുണ്ടാക്കിയത്.
ഡ്രൈവര്‍ ഉറങ്ങിപ്പോയതാകാമെന്നാണ് പ്രാഥമിക നിഗമനം. ഡ്രൈവറെ പൊലീസ് കസ്റ്റഡിയിലെടുത്തിട്ടുണ്ട്.
