തൃശൂര്: ഇത്രയധികം പെണ്ണുങ്ങളെ തന്റെ ജീവിതത്തില് ആദ്യമായാണ് ഒന്നിച്ചു കാണുന്നതെന്ന് നടി ശോഭന. പ്രധാനമന്ത്രി നരേന്ദ്ര മോദി പങ്കെടുക്കുന്ന ബിജെപി പരിപാടിയില് സംസാരിക്കുകയായിരുന്നു ശോഭന. കേരളീയ സ്ത്രീ സമൂഹത്തിന്റെ പ്രതിനിധിയായാണ് താനീ വേദിയില് നില്ക്കുന്നതെന്നും ശോഭന പറഞ്ഞു. എല്ലാ മേഖലകളിലും ഇന്നും സ്ത്രീകളുടെ പങ്കാളിത്തം കുറവാണ്. അതിന് ഒരു മാറ്റം ഉണ്ടാകാന് വനിത സംവരണബില്ലിന് കഴിയുമെന്നാണ് പ്രതീക്ഷിക്കുന്നത്. ഒരു ശകുന്തളാ ദേവിയും ഒരു കല്പ്പന ചൗളയും ഒരു കിരണ് ബേദിയും മാത്രമാണ് നമുക്കുള്ളത്. അതിന് മാറ്റമുണ്ടാകുമെന്നും ശോഭന പറഞ്ഞു
സ്ത്രീകളെ ദേവതമാരായി ആരാധിക്കുന്നവരാണ് നമ്മള്. എന്നാല് പലയിടത്തും അവരെ അടിച്ചമര്ത്തുന്നത് കാണാനാവും. കഴിവും നിശ്ചയദാര്ഢ്യമുള്ള ആകാശത്തേക്ക് ആദ്യത്തെ ചുവട് വയ്പ് ആവട്ടെ വനിതാ സംവരണ ബില്. ബില്പാസാക്കിയ മോദിക്ക് നന്ദി. ഭാരതിയനെന്ന നിലയില് ഏറെ പ്രതിക്ഷയോടെയാണ് ഈ ബില്ലിനെ കാണുന്നത്. മോദിക്കൊപ്പം വേദി പങ്കിടാന് അവസരം തന്നതില് നന്ദിയെന്നും ശോഭന പറഞ്ഞു.
