തിരുവനന്തപുരം: മുപ്പത് വയസിന് മുകളിലുള്ള മുഴുവന് ആളുകളുടെയും വാര്ഷികാരോഗ്യ സ്ക്രീനിങ് നടത്തുമെന്ന് ആരോഗ്യ മന്ത്രി വീണാ ജോര്ജ്. ഒന്നാം ഘട്ട സ്ക്രീനിങ്ങിൽ പങ്കെടുക്കാന് സാധിക്കാതെപോയ എല്ലാവരെയും ഉള്ക്കൊള്ളിച്ച് രണ്ടാം ഘട്ടത്തില് 100 ശതമാനവും പൂര്ത്തിയാക്കമെന്ന് മന്ത്രി ഉറപ്പ് നൽകി.
ശൈലി രണ്ടില് കുടുതല് രോഗങ്ങളുടെ സ്ക്രീനിങ് ഉള്ക്കൊള്ളിച്ചിട്ടുണ്ട്. സ്ക്രീന് ചെയ്യുക മാത്രമല്ല പരിശോധനയും തുടര് ചികിത്സയും ഉറപ്പാക്കാനും മന്ത്രി നിര്ദേശം നല്കി. ശൈലി ഒന്നാംഘട്ടത്തില് പ്രവര്ത്തിച്ച എല്ലാവരേയും, കൃത്യസമയത്ത് ശൈലി 2.0 ലോഞ്ച് ചെയ്യാനായി പരിശ്രമിച്ച എല്ലാവരേയും മന്ത്രി അഭിനന്ദിച്ചു.
ജീവിതശൈലീ രോഗങ്ങള് നിയന്ത്രിക്കുന്നതിന്റെ ഭാഗമായി സംസ്ഥാന ആരോഗ്യ വകുപ്പ് നടപ്പിലാക്കിയ ആര്ദ്രം ആരോഗ്യം ജീവിതശൈലി രോഗനിര്ണയ സ്ക്രീനിങ്ങിന്റെ രണ്ടാംഘട്ടത്തിന്റെ ലോഞ്ചിങ് നിര്വഹിച്ച് സംസാരിക്കുകയായിരുന്നു മന്ത്രി.
ആദ്യഘട്ടത്തില് 30 വയസിന് മുകളില് പ്രായമുള്ള 1.54 കോടിയിലധികം പേരുടെ സ്ക്രീനിങ് പൂര്ത്തിയാക്കിയിരുന്നു. സ്ക്രീനിങ്ങിൽ രോഗ സാധ്യതയുള്ള 23.5 ലക്ഷത്തോളം പേരുടെ തുടര് പരിശോധനകള് പൂര്ത്തിയാക്കുകയും ആവശ്യമായവര്ക്ക് തുടര് ചികിത്സ ഉറപ്പാക്കുകയും ചെയ്തു. 30 വയസിന് മുകളില് ലക്ഷ്യം വച്ചവരില് ബഹുഭൂരിപക്ഷം വ്യക്തികളുടേയും സ്ക്രീനിങ് പൂര്ത്തിയായ സ്ഥിതിയിലാണ് രണ്ടാം ഘട്ടത്തിലേക്ക് കടന്നത്. ഇതിനായി ശൈലി 2.0 ആപ്പ് വികസിപ്പിച്ചു.
