ന്യൂഡല്ഹി: അരവിന്ദ് കെജ്രിവാളിനെ ഡല്ഹി മുഖ്യമന്ത്രി സ്ഥാനത്ത് നിന്ന് നീക്കണമെന്ന ഹര്ജി ഡല്ഹി ഹൈക്കോടതി തള്ളി. മുഖ്യമന്ത്രിയായി തുടരുന്നതിന് കെജ്രിവാളിന് നിയമപരമായ എന്ത് തടസമാണ് ഉള്ളതെന്ന് ഹര്ജിക്കാരനോട് ഹൈക്കോടതി ചോദിച്ചു.
ഡൽഹി മദ്യനയ അഴിമതി കേസില് ആം ആദ്മി പാർട്ടി നേതാവും മുഖ്യമന്ത്രിയുമായ അരവിന്ദ് കെജ്രിവാളിനെ ഇഡി അറസ്റ്റ് ചെയ്ത സാഹചര്യത്തില് ഡല്ഹിയില് രാഷ്ട്രപതി ഭരണം ഏര്പ്പെടുത്താനുള്ള കേന്ദ്രസര്ക്കാര് നീക്കം നടത്തുന്നതിനിടെയാണ് സ്ഥാനത്ത് നിന്ന് നീക്കാനുള്ള ഹര്ജി തള്ളിയത്.
ലഫ്റ്റനന്റ് ഗവര്ണര് ഇത് സംബന്ധിച്ച് നിയമ വിദഗ്ധരുമായി ആശയ വിനിമയം നടത്തി. നിയമ വിദഗ്ധരുടെ അടക്കം അഭിപ്രായം ഉള്പ്പെടുത്തി ആഭ്യന്തര മന്ത്രാലയത്തിന് റിപ്പോര്ട്ട് നല്കും. ഗവര്ണറുടെ റിപ്പോര്ട്ട് കണക്കിലെടുത്ത് ഡല്ഹിയില് രാഷ്ട്രപതി ഭരണം ഏര്പ്പെടുത്തുന്നതില് കേന്ദ്രസര്ക്കാര് തീരുമാനമെടുക്കും.
