മദ്യനയക്കേസിൽ അറസ്റ്റിലായി എൻഫോഴ്സ്മെന്റ് ഡയറക്ടറേറ്റിന്റെ കസ്റ്റഡിയിലിരിക്കുന്ന മുഖ്യമന്ത്രിഅരവിന്ദ് കെജ്രിവാളിന് ലോക്കപ്പിൽ കമ്പ്യൂട്ടറോ പേപ്പറോ നൽകിയിട്ടില്ലെന്ന് എൻഫോഴ്സ്മെൻ്റ് ഡയറക്ടറേറ്റ് വൃത്തങ്ങൾ പറഞ്ഞു. പിന്നെ എങ്ങനെയാണ് അദ്ദേഹം മുഖ്യമന്ത്രിയുടെ ഉത്തരവ് പുറത്തിറക്കുക?
അന്വേഷണ ഏജൻസി കസ്റ്റഡിയിൽ നിന്നുള്ള മുഖ്യമന്ത്രിയുടെ ആദ്യ ഉത്തരവിനെക്കുറിച്ച് മന്ത്രി അതിഷിയുടെ പ്രസ്താവനയെ തുടർന്നാണ് ഇഡി വൃത്തങ്ങൾ ഈ വിവരം പുറത്തു വിട്ടത്.
ജയിലിൽ നിന്നും മുഖ്യമന്ത്രി ആദ്യ ഉത്തരവ് പുറത്തിറക്കിയതായി ഡൽഹി ജലമന്ത്രി അതിഷി രാവിലെ പത്രസമ്മേളനത്തിൽ പറഞ്ഞു. ജലവിതരണവുമായി ബന്ധപ്പെട്ട ഉത്തരവാണ് മുഖ്യമന്ത്രി കെജ്രിവാൾ, ദില്ലി മന്ത്രി അതിഷിക്ക് നൽകിയെന്നാണ് പറഞ്ഞത്. ഇതിനെതിരെ ഒരു അഭിഭാഷകൻ പരാതി നൽകുകയും ചെയ്തിരുന്നു.
ഡൽഹി മദ്യനയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസുമായി ബന്ധപ്പെട്ട് ദേശീയ തലസ്ഥാനത്തെ സിവിൽ ലൈൻസ് ഏരിയയിലെ അദ്ദേഹത്തിൻ്റെ ഔദ്യോഗിക വസതിയിൽ നടത്തിയ പരിശോധനയ്ക്ക് ശേഷം വ്യാഴാഴ്ചയാണ് അരവിന്ദ് കെജ്രിവാളിനെ എൻഫോഴ്സ്മെൻ്റ് ഡയറക്ടറേറ്റ് അല്ലെങ്കിൽ ഇഡി അറസ്റ്റ് ചെയ്തത്. വെള്ളിയാഴ്ച കോടതി ഇയാളെ മാർച്ച് 28 വരെ കേന്ദ്ര ഏജൻസിയുടെ കസ്റ്റഡിയിൽ വിട്ടു.
Arvind Kejriwal hasn’t been given a computer or paper in the lock-up
