തിരുവനന്തപുരം: തിരുവനന്തപുരത്ത് ഇന്ന് പുലര്ച്ചെയുണ്ടായ ബൈക്ക് അപകടത്തില് രണ്ടുപേര് മരിച്ചു. ബൈക്കോടിച്ചിരുന്ന മണക്കാട് സ്വദേശി അല് താഹിര്(20), റോഡ് മുറിച്ചുകടക്കുകയായിരുന്ന സുനീഷ്(29) എന്നിവരാണ് മരിച്ചത്. ബൈക്കില് ഉണ്ടായിരുന്ന മണക്കാട് സ്വദേശി അല് അമാന്(19) ഗുരുതര പരിക്കുകളോടെ ചികിത്സയിലാണ്. ബൈക്കുകളുടെ മത്സരയോട്ടത്തിനിടെയാണ് അപകടമുണ്ടായതെന്ന് സൂചനയുണ്ട്.
ഇന്ന് പുലര്ച്ചെ മൂന്നുമണിയോടെ കഴക്കൂട്ടം കുളത്തൂര് തമ്പുരാന്മുക്കിലായിരുന്നു അപകടം. കഴക്കൂട്ടം ഭാഗത്തേക്ക് വന്ന വേഗതയിലായിരുന്ന ബൈക്ക് കാല്നടയാത്രക്കാരനെ ഇടിച്ചു തെറിപ്പിക്കുകയായിരുന്നുവെന്ന് ദൃക്സാക്ഷികള് പറയുന്നു. ഇടിയുടെ ആഘാതത്തില് അപകടം നടന്ന സ്ഥലത്തുനിന്നും 100 മീറ്റര് മാറിയാണ് സുനീഷ് തെറിച്ചുവീണത്. ഗുരുതരമായി പരിക്കേറ്റ ഇരുവരെയും മെഡിക്കല് കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.
