മസ്കറ്റ്: ഒമാനിലെ ഖസബിലുണ്ടായ ബോട്ടപകടത്തിൽ കോഴിക്കോട് സ്വദേശികളായ രണ്ട് കുട്ടികള് മരണപ്പെട്ടു. മാതാപിതാക്കള് നിസാര പരുക്കുകളോടെ രക്ഷപ്പെട്ടു. കോഴിക്കോട് നരിക്കുനി പുല്ലാളൂർ സ്വദേശി തച്ചൂർ ലുഖ്മാനുൽ ഹക്കീമിന്റെ മക്കളായ ഹൈസം മുഹമ്മദ് (ഏഴ്), ഹാമിസ് മുഹമ്മദ് (നാല്) എന്നിവരാണ് മരിച്ചത്. ശനിയാഴ്ച ഉച്ചക്ക് രണ്ട് മണിയോടെയായിരുന്നു ദാരുണമായ സംഭവം. ചെറിയ പെരുന്നാൾ അവധി ആഘോഷത്തിന്റെ ഭാഗമായി ബോട്ടിങ്ങിന് എത്തിയതായിരുന്നു കുടുംബം.
