ന്യൂഡൽഹി: അന്വേഷണവുമായി മുന്നോട്ട് പോകുന്നതിനായി തൃണമൂൽ കോൺഗ്രസ് നേതാവ് മഹുവ മൊയ്‌ത്രയെ പാർലമെന്റിൽ നിന്ന് പുറത്താക്കാൻ ശുപാർശ ചെയ്ത എത്തിക്സ് കമ്മിറ്റി റിപ്പോർട്ട് ലഭിക്കാൻ സിബിഐ ലോക്‌സഭാ സെക്രട്ടേറിയറ്റിനെ സമീപിച്ചു.
എന്നാൽ, അപേക്ഷയിൽ ഇതുവരെ തീരുമാനമെടുത്തിട്ടില്ലെന്ന് ലോക്‌സഭാ സെക്രട്ടേറിയറ്റ് വൃത്തങ്ങൾ അറിയിച്ചു.
“എത്തിക്സ് കമ്മിറ്റി റിപ്പോർട്ടിന്റെ പകർപ്പ് ആവശ്യപ്പെട്ട് സിബിഐ സെക്രട്ടേറിയറ്റിന് കത്തെഴുതിയിട്ടുണ്ട്. ഞങ്ങൾ അത് പരിശോധിക്കും. ഇതുവരെ തീരുമാനമെടുത്തിട്ടില്ല, ”വൃത്തങ്ങൾ പറഞ്ഞു.
ടിഎംസി നേതാവ് മൊയ്‌ത്രയ്‌ക്കെതിരായ ആരോപണങ്ങളിൽ ലോക്‌പാൽ അയച്ച പരാതിയിലാണ് സിബിഐ അന്വേഷണം നടത്തുന്നത്. മൊയ്‌ത്രയ്‌ക്കെതിരായ കുറ്റങ്ങൾ അന്വേഷിക്കാൻ അഴിമതി നിരോധന നിയമത്തിലെ സെക്ഷൻ 17 എ പ്രകാരം അനുമതി നൽകുന്ന എത്തിക്സ് കമ്മിറ്റി റിപ്പോർട്ട് ലോക്‌സഭാ സെക്രട്ടേറിയറ്റ് സി ബി ഐക്ക് കൈമാറുകയാണെങ്കിൽ, സി ബി ഐക്ക് എഫ്‌ഐആർ രജിസ്റ്റർ ചെയ്ത് അന്വേഷണവുമായി മുന്നോട്ട് പോകാം.
