ന്യൂഡല്‍ഹി: അയോധ്യ രാമക്ഷേത്ര പ്രതിഷ്ഠാ ചടങ്ങിന് മണിക്കൂറുകള്‍ക്ക് മുന്‍പേ തന്നെ വന്‍ താരനിര എത്തിക്കഴിഞ്ഞു. സംഗീത – സിനിമാ – കായിക രംഗത്തെ താരങ്ങള്‍ മുതല്‍ സാംസ്‌കാരിക രംഗത്തെ താരങ്ങള്‍ വരെ അയോധ്യയിലേക്കെത്തുന്നുണ്ട്. അമിതാഭ് ബച്ചന്‍, രജനീകാന്ത്, ധനുഷ്, ചിരഞ്ജീവി, ജാക്കി ഷ്‌റോഫ്, ആലിയ ഭട്ട്, രണ്‍ബീര്‍ കപൂര്‍ തുടങ്ങിയവരാണ് ചടങ്ങില്‍ പങ്കെടുക്കുന്ന സിനിമാ താരങ്ങള്‍. പതിനായിരം പേരാണ് ചടങ്ങിലേക്ക് ഔദ്യോഗികമായി ക്ഷണിക്കപ്പെട്ടിരിക്കുന്നത്. പ്രധാനമന്ത്രി ഉള്‍പ്പടെയുള്ള രാഷ്ട്രീയ നേതാക്കള്‍ക്കൊപ്പം വന്‍ താരനിരയും ചടങ്ങില്‍ അണി നിരക്കും.
നടന്‍മാരായ അക്ഷയ് കുമാര്‍, അനുപം ഖേര്‍, അജയ് ദേവ്ഗണ്‍, രണ്‍ബീര്‍ കപൂര്‍, ആലിയ ഭട്ട്, കത്രീന കൈഫ്, വിക്കി കൗശല്‍, കങ്കണ റണാവത്ത്, മാധുരി ദീക്ഷിത്, ഹേമമാലിനി, സണ്ണി ഡിയോള്‍ ചിരഞ്ജീവി, മോഹന്‍ലാല്‍, പ്രഭാസ്, അല്ലു അര്‍ജുന്‍, ജൂനിയര്‍ എന്‍ടിആര്‍ എന്നിവരെയും ചടങ്ങിലേക്ക് ക്ഷണിച്ചിട്ടുണ്ട്. ഈ ദിവസത്തിനായി വര്‍ഷങ്ങളായി കാത്തിരിക്കുന്നുവെന്നായിരുന്നു അഭിനേതാവ് അനുപം ഖേറിന്റെ പ്രതികരണം. ഇതൊരു മതപരമായ ചടങ്ങ് മാത്രമല്ല, സാംസ്‌കാരികവും പൈതൃകവും നിറഞ്ഞ ചടങ്ങ് കൂടിയാണെന്ന്് അഭിനേതാവ് രണ്‍ദീപ് ഹൂഡ പറഞ്ഞു.
മുന്‍ പ്രധാനമന്ത്രി മന്‍മോഹന്‍ സിങ്, ബിജെപി മുതിര്‍ന്ന നേതാക്കളായ മുരളി മനോഹര്‍ ജോഷി എന്നിവര്‍ ചടങ്ങിനെത്തിയേക്കും. മുന്‍ രാഷ്ട്രപതിമാരായ രാംനാഥ് കോവിന്ദ്, പ്രതിഭാ പാട്ടീല്‍, മുന്‍ ഉപരാഷ്ട്രപതി എം വെങ്കയ്യ നായിഡു, മുന്‍ കേന്ദ്രമന്ത്രി മുഖ്താര്‍ അബ്ബാസ് നഖ്വി, മുന്‍ പ്രധാനമന്ത്രിയും ബിജെപി മുതിര്‍ന്ന നേതാവുമായ അടല്‍ ബിഹാരി വാജ്‌പേയിയുടെ മരുമകന്‍ രഞ്ജന്‍ ഭട്ടാചാര്യ, മുന്‍ കേന്ദ്രമന്ത്രി അരുണ്‍ ജെയ്റ്റ്‌ലിയുടെ ഭാര്യ സംഗീത, മകള്‍ സോണാലി, മുന്‍ ലോക്‌സഭാ സ്പീക്കര്‍മാരായ സുമിത്ര മഹാജന്‍, മീരാ കുമാര്‍ എന്നിവരും എന്നിവരും അതിഥി പട്ടികയിലുണ്ട്.
ഐഎസ്ആര്‍ഒ ചെയര്‍പേഴ്സണ്‍ എസ് സോമനാഥ്, മുന്‍ ഐഎസ്ആര്‍ഒ ചെയര്‍പേഴ്സണ്‍ കെ ശിവന്‍, ഐഎസ്ആര്‍ഒ ഡയറക്ടര്‍ നിലേഷ് ദേശായി, ഡിആര്‍ഡിഒ ശാസ്ത്രജ്ഞന്‍ സുദര്‍ശന്‍ ശര്‍മ എന്നിവര്‍ക്കും ക്ഷണമുണ്ട്. നോബല്‍ സമ്മാന ജേതാവ് കൈലാഷ് സത്യാര്‍ത്ഥി, മുന്‍ നയതന്ത്രജ്ഞരായ വീണ സിക്രി, ലക്ഷ്മി പുരി, വന്ദേ ഭാരത് എക്സ്പ്രസ് ട്രെയിന്‍ സൂത്രധാരന്‍ സുധാംശു മണി, ജി20 ഷെര്‍പ്പ അമിതാഭ് കാന്ത് എന്നിവരും ക്ഷണിതാക്കളില്‍ ഉള്‍പ്പെടുന്നു.
കായിക മേഖലയില്‍ നിന്ന് കപില്‍ ദേവ്, സുനില്‍ ഗാവസ്‌കര്‍, സച്ചിന്‍ ടെണ്ടുല്‍ക്കര്‍, മഹേന്ദ്ര സിങ് ധോനി, സൗരവ് ഗാംഗുലി, രാഹുല്‍ ദ്രാവിഡ്, അനില്‍ കുംബ്ലെ, വീരേന്ദര്‍ സെവാഗ്, രോഹിത് ശര്‍മ, വിരാട് കോഹ് ലി, രവീന്ദ്ര ജഡേജ എന്നിവര്‍ക്കും പരിപാടിയിലേക്ക് ക്ഷണം ലഭിച്ചിട്ടുണ്ട്. വിരാട് കോലിയും ഭാര്യ അനുഷ്‌ക ശര്‍മ്മയും ചടങ്ങില്‍ പങ്കെടുക്കും.
ഇന്ത്യന്‍ ഫുട്ബോള്‍ ടീം മുന്‍ ക്യാപ്റ്റന്‍ ബൈചുങ് ബൂട്ടിയ, ചെസ് ഇതിഹാസം വിശ്വനാഥന്‍ ആനന്ദ്, ഇന്ത്യന്‍ ഒളിംപിക് അസോയിയേഷന്‍ പ്രസിഡന്റ് പി ടി ഉഷ എന്നിവരും കായികരംഗത്തു നിന്ന് ക്ഷണം ലഭിച്ചവരില്‍ ഉള്‍പ്പെടുന്നു. ഇവര്‍ക്ക് പുറമെ ഭാരദ്വേഹക കര്‍ണം മല്ലേശ്വരി, ഫുട്ബോള്‍ താരം കല്യാണ്‍ ചൗബേ, ദീര്‍ഘദൂര ഓട്ടക്കാരി കവിതാ റാവത്ത്, പാരാലിംപിക് ജാവലിന്‍ ത്രോ താരം ദേവേന്ദ്ര ജാന്‍ജാഡിയ, ഇന്ത്യന്‍ വനിതാ ക്രിക്കറ്റ് ടീം മുന്‍ ക്യാപ്റ്റന്‍ മിതാലി രാജ്, ബാഡ്മിന്റണ്‍ താരങ്ങളായ പി വി സിന്ധു, സൈന നെഹ്വാള്‍, പരിശീലകന്‍ പുല്ലേല ഗോപീചന്ദ്, എന്നിവരെല്ലാം ക്ഷണം ലഭിച്ച പ്രമുഖരില്‍ ഉള്‍പ്പെടുന്നു.
