ന്യൂഡല്‍ഹി: പ്രധാനമന്ത്രി നരേന്ദ്ര മോദി നയിക്കുന്ന മൂന്നാം എന്‍ഡിഎ സര്‍ക്കാരിന്റെ ആദ്യ ബജറ്റ് ജൂലായ് 23-ന് അവതരിപ്പിക്കും. ധനമന്ത്രി നിര്‍മല സീതാരാമന്‍ ആകും പാര്‍ലമെന്റില്‍ ബജറ്റ് അവതരിപ്പിക്കുക.
പാര്‍ലമെന്റിന്റെ ബജറ്റ് സമ്മേളനം ജൂലായ് 22ന് ആരംഭിച്ച് ഓഗസ്റ്റ് 12ന് അവസാനിക്കും. പാര്‍ലമെന്ററികാര്യ മന്ത്രി കിരണ്‍ റിജിജുവാണ് ഇക്കാര്യം അറിയിച്ചത്.
ഈ വര്‍ഷത്തെ രണ്ടാമത്തെ ബജറ്റാണ് ധനമന്ത്രി നിര്‍മല സീതാരാമന്‍ അവതരിപ്പിക്കാനിരിക്കുന്നത്. ലോക്‌സഭാ തിരഞ്ഞെടുപ്പിന് മുമ്പായി ഈ വര്‍ഷം ആദ്യം ഇടക്കാല ബജറ്റ് അവതരിപ്പിച്ചിരുന്നു. 23-ലെ ഏഴാം ബജറ്റ് അവതരിപ്പിക്കുന്നതോടെ നിര്‍മല സീതാരാമന്‍ ഏറ്റവും കൂടുതല്‍ ബജറ്റവതരണം നടത്തിയ ധനമന്ത്രി എന്ന റെക്കോർഡ് സ്വന്തമാക്കും.
Center Budget on July 23
