ഫ്ലോറിഡ : കാഡിഷാക്ക്’ എന്ന ചിത്രത്തിലെ അഭിനയത്തിലൂടെ പ്രശസ്തയായ സിന്‍ഡി മോര്‍ഗന്‍ അന്തരിച്ചു. 69 വയസ്സായിരുന്നു. പാം ബീച്ച് കൗണ്ടി ഷെരീഫിന്റെ ഓഫീസ് നടിയുടെ മരണം സ്ഥിരീകരിച്ചിട്ടുണ്ട്.
ചിക്കാഗോയില്‍ വളര്‍ന്ന മോര്‍ഗന്‍ ആദ്യമായി ശ്രദ്ധ നേടിയത് ഐറിഷ് സ്പ്രിംഗ് സോപ്പിന്റെ പരസ്യങ്ങളില്‍ പ്രത്യക്ഷപ്പെട്ടപ്പോഴാണ്.
1980-ലെ ഹിറ്റ് കോമഡി ‘കാഡിഷാക്ക്’ എന്ന ചിത്രത്തിലൂടെയാണ് അവര്‍ തന്റെ സിനിമാ അരങ്ങേറ്റം കുറിച്ചത്. ഷെവി ചേസിനും റോഡ്നി ഡേഞ്ചര്‍ഫീല്‍ഡിനുമൊപ്പം അഭിനയിച്ച അവര്‍, ടെഡ് നൈറ്റ് അവതരിപ്പിച്ച കണ്‍ട്രി ക്ലബ് സ്ഥാപകനും ജഡ്ജിയുടെ ബോംബ് ഷെല്‍ മരുമകളുമായ ലേസി അണ്ടറാള്‍ ആയി അഭിനയിച്ചു. ഹരോള്‍ഡ് റാമിസ് സംവിധാനം ചെയ്ത മോര്‍ഗന്റെ ആദ്യ ചിത്രമായിരുന്നു അത്.
മരണം സംബന്ധിച്ച് കൂടുതല്‍ വിവരങ്ങള്‍ ലഭ്യമായിട്ടില്ല. സിന്‍ഡി സ്വാഭാവിക കാരണങ്ങളാല്‍ മരിച്ചുവെന്നാണ് കൗണ്ടി പ്രതിനിധി അറിയിച്ചത്. മൃതദേഹം ഇപ്പോള്‍ ഫ്ലോറിഡയിലാണ്.
