ന്യൂയോർക്ക്: ഗാസ മുനമ്പിലെയും വെസ്റ്റ് ബാങ്കിലെയും ഫലസ്തീൻ സ്ത്രീകൾക്കും പെൺകുട്ടികൾക്കുമെതിരെ ഇസ്രയേൽ സൈന്യം ബലാത്സംഗവും ലൈംഗികാതിക്രമവും അടക്കം ഗുരുതര യുദ്ധക്കുറ്റങ്ങൾ ചെയ്തതായി വിശ്വസനീയമായ പരാതികൾ ലഭിച്ചെന്ന് യുഎൻ പ്രതിനിധികൾ.
അവരെ ഏകപക്ഷീയമായി വധിക്കുകയോ, ഏകപക്ഷീയമായി തടങ്കലിൽ വയ്ക്കുകയോ, ബലാത്സംഗം ചെയ്യുകയോ അല്ലെങ്കിൽ ലൈംഗികാതിക്രമ ഭീഷണി മുഴക്കുകയോ ചെയ്തിട്ടുണ്ട്. ഈ ആരോപണങ്ങൾ “അന്താരാഷ്ട്ര മനുഷ്യാവകാശങ്ങളുടെയും മാനുഷിക നിയമങ്ങളുടെയും ഗുരുതരമായ ലംഘനങ്ങളാണെന്നും അന്താരാഷ്ട്ര ക്രിമിനൽ നിയമപ്രകാരം ഗുരുതരമായ കുറ്റകൃത്യങ്ങൾക്ക് കാരണമാകുമെന്നും” യുഎൻ പ്രത്യേക പ്രതിനിധികളായ റീം അൽസലേം, ഫ്രാൻസെസ്ക അൽബാനീസ് എന്നിവർ അറിയിച്ചു.
കുറ്റവാളികൾ ഉത്തരവാദികളായിരിക്കണമെന്നും ഇരകളുടെ കുടുംബങ്ങൾക്ക് “പൂർണ്ണമായ നഷ്ടപരിഹാരവും നീതിയും” ലഭിക്കണമെന്നും അവർ ആവശ്യപ്പെട്ടു.
പലസ്തീൻ സ്ത്രീകളെയും പെൺകുട്ടികളെയും പലപ്പോഴും അവരുടെ കുട്ടികൾ ഉൾപ്പെടെയുള്ള കുടുംബാംഗങ്ങൾക്കൊപ്പം ഗാസയിൽ ഏകപക്ഷീയമായി വധിച്ചതായി റിപ്പോർട്ട് ചെയ്യപ്പെട്ട സംഭവങ്ങൾ വിദഗ്ധർ ഉദ്ധരിച്ചു.
“പാലസ്തീനിയൻ സ്ത്രീകളെയും കുട്ടികളെയും അവർ അഭയം തേടിയ സ്ഥലങ്ങളിൽ അല്ലെങ്കിൽ പലായനം ചെയ്യുന്നതിനിടയിൽ ബോധപൂർവം ലക്ഷ്യംവച്ച് നിയമവിരുദ്ധമായി കൊല്ലപ്പെടുന്നതിൻ്റെ റിപ്പോർട്ടുകൾ ഞങ്ങളെ ഞെട്ടിച്ചു,” അവർ പറഞ്ഞു.
“ഇസ്രയേൽ സൈന്യമോ അനുബന്ധ സേനയോ അവരെ കൊല്ലുമ്പോൾ അവരിൽ ചിലർ വെള്ള തുണിക്കഷണങ്ങൾ കൈവശം വച്ചിരുന്നതായി റിപ്പോർട്ടുണ്ട്.”
വിഷയത്തിൽ സ്വതന്ത്രവും നിഷ്പക്ഷവും ഫലപ്രദവുമായ അന്വേഷണം ഉടൻ വേണമെന്ന് പ്രമുഖർ ആവശ്യപ്പെട്ടു.
