ചെങ്ങന്നൂര്: സംവിധായകന് പി. ബാലചന്ദ്രകുമാര് അന്തരിച്ചു. ഹൃദയസംബന്ധമായ അസുഖങ്ങളെത്തുടര്ന്ന് ഏറെ നാളായി ചികിത്സിലായായിരുന്നു. നടി ആക്രമിക്കപ്പെട്ട കേസില് ദിലീപിനെതിരെ ബാലചന്ദ്രകുമാര് നടത്തിയ വെളിപ്പെടുത്തലുകള് കേസില് വലിയ വഴിത്തിരിവായിരുന്നു . തുടരന്വേഷണത്തിലേക്ക് കടന്നതും അദ്ദേഹത്തിന്റെ വെളിപ്പെടുത്തലിന്റെ പശ്ചാത്തലത്തിലായിരുന്നു.
ബാചലന്ദ്രകുമാറിന്റെ വെളിപ്പെടുത്തലിന് പിന്നാലെയാണ് വധഗൂഢാലോചന, തെളിവുനശിപ്പിക്കല് അടക്കമുള്ള കുറ്റങ്ങള് കേസില് ദിലീപിനെതിരെ ചുമത്തിയത്. കേസ് അന്വേഷിച്ച ഉദ്യോഗസ്ഥരെ അപായപ്പെടുത്താനുള്ള ഗൂഢാലോചന നടന്നെന്ന അദ്ദേഹത്തിന്റെ വെളിപ്പെടുത്തലും വലിയ ചര്ച്ചയായിരുന്നു.
നടിയെ ആക്രമിച്ചതുമായി ബന്ധപ്പെട്ട് തനിക്കറിയുന്ന കാര്യങ്ങള് മാധ്യമങ്ങളോട് വെളിപ്പിപ്പെടുത്തിയതിനു പിന്നാലെ തന്നെ ഫസ്റ്റ് ക്ലാസ് ജുഡീഷ്യല് മജിസ്ട്രേറ്റിനോട് ബാലചന്ദ്ര കുമാറിന്റെ മൊഴി രേഖപ്പെടുത്താന് എറണാകുളം സിജെഎം കോടതി നിര്ദേശിക്കുകയായിരുന്നു. 51 പേജുള്ള രഹസ്യമൊഴിയാണ് രേഖപ്പെടുത്തിയത്. ആറര മണിക്കൂര് നീണ്ടുനിന്ന മൊഴി രേഖപ്പെടുത്തലില് ദിലീപിനെ പരിചയപ്പെട്ടതുമുതലുള്ള കാര്യങ്ങളും തനിക്ക് അറിയാമായിരുന്ന വിവരങ്ങള് വെളിപ്പെടുത്താന് വൈകിയതിന്റെ കാരണവും കോടതിയെ അറിയിച്ചതായും മൊഴി രേഖപ്പെടുത്തിയ ശേഷം അദ്ദേഹം പറഞ്ഞിരുന്നു. നടിയെ ആക്രമിച്ച കേസില് ദിലീപിനെതിരേ ബാലചന്ദ്ര കുമാര് നടത്തിയ വെളിപ്പെടുത്തലുകള് പിന്നീട് മാറ്റി പറയുന്ന സാഹചര്യം ഒഴിവാക്കാനായിരുന്നു ഇങ്ങനെ ചെയ്തത്. എന്നാല് മരണം വരെ തന്റെ നിലപാടില് ഉറച്ചുനിന്നു അദ്ദേഹം.
Director P Balachandra Kumar Passed Away
