വാഷിംഗ്ടൺ: യുഎസ് വൈസ് പ്രസിഡൻ്റ് കമലാ ഹാരിസുമായുള്ള സംവാദത്തിന് മുമ്പേ മുൻ ഡെമോക്രാറ്റിക് നേതാവും ഇന്ത്യൻ വംശജയുമായ തുളസി ഗബ്ബാർഡിന്റെ സഹായം ട്രംപ് തേടുന്നതായി റിപ്പോർട്ട്. ട്രംപിൻ്റെ സ്വകാര്യ ക്ലബ്ബിലും വസതിയായ മാർ-എ-ലാഗോയിലും തുളസി ട്രംപിൻ്റെ പരിശീലന സെഷനിൽ ചേർന്നതായി മാധ്യമങ്ങൾ റിപ്പോർട്ട് ചെയ്തു.
സെപ്റ്റംബർ പത്തിനാണ് ട്രംപ്-കമലാ ഹാരിസ് സംവാദം. 2020 ലെ പ്രസിഡൻ്റ് തിരഞ്ഞെടുപ്പിന് ശേഷം ഡെമോക്രാറ്റിക് പാർട്ടി വിടുകയും ട്രംപിൻ്റെ പിന്തുണയുടെ സെലിബ്രിറ്റിയായി മാറുകയും ചെയ്ത തുളസി, ട്രംപുമായി വളരെക്കാലമായി സൗഹൃദത്തിലാണ്. 2020-ൽ സംവാദ വേദിയിൽ കമലാ ഹാരിസിനുമേൽ തുളസി ഗബ്ബാർഡിന് സംവാദത്തിൽ മേൽക്കൈയുണ്ടായിരുന്നു.
നേരത്തെ പ്രസിഡന്റ് ജോ ബൈഡനുമായുള്ള സംവാദത്തിൽ ട്രംപിനായിരുന്നു മുൻതൂക്കം. പിന്നീട് കമലാ ഹാരിസ് മത്സരരംഗത്തെത്തിയതോടെ മത്സരം കടുത്തുവെന്ന് മാധ്യമങ്ങൾ റിപ്പോർട്ട് ചെയ്തു.
Donald Trump seek help from Tulsi gabbar
