ചെന്നൈ: വിജയുടെ തമിഴക വെട്രി കഴകത്തിന് തെരഞ്ഞെടുപ്പ് കമ്മിഷന് അംഗീകാരം. ടി വി കെയെ രാഷ്ട്രീയ പാര്ട്ടിയായി കമ്മിഷന് അംഗീകരിച്ചു. 2024 ഫെബ്രുവരിയില് നല്കിയ അപേക്ഷയാണ് അംഗീകരിച്ചത്. വിജയ് തന്നെയാണ് പത്രക്കുറിപ്പിലൂടെ ഈ വിവരം പങ്കുവച്ചത്. തെരഞ്ഞെടുപ്പ് കമ്മീഷന്റെ അംഗീകാരം ലഭിച്ചു. ഇനി കൃത്യമായ അര്ത്ഥത്തില് രാഷ്ട്രീയ പ്രവര്ത്തനം നടത്താം. 2026 ലെ തെരഞ്ഞെടുപ്പ് തന്നെയാണ് ലക്ഷ്യമെന്നും വിജയ് വാര്ത്താ കുറിപ്പില് വ്യക്തമാക്കി.
ഇന്നോ നാളെയോ ആയി പാര്ട്ടിയുടെ ആദ്യ സംസ്ഥാന സമ്മേളനത്തിന്റെ തീയതി പ്രഖ്യാപിക്കും. വില്ലുപുരം ജില്ലയിലെ വിക്രവണ്ടി എന്ന സ്ഥലത്താണ് സമ്മേളനം നടക്കുക എന്നാണ് റിപ്പോര്ട്ട്. ആദ്യ സമ്മേളനത്തില് പിണറായി വിജയനെയും രാഹുല് ഗാന്ധിയെയും പങ്കെടുപ്പിക്കാന് വിജയ് ശ്രമിക്കുന്നുണ്ടെന്ന് നേരത്തെ റിപ്പോര്ട്ടുണ്ടായിരുന്നു.
