ന്യൂഡൽഹി: ഫ്യൂച്ചർ ഗെയിമിംഗ് & ഹോട്ടൽ സർവീസസ് പ്രൈവറ്റ് ലിമിറ്റഡ് 2019 ഏപ്രിൽ 12 നും 2024 ജനുവരി 24 നും ഇടയിൽ മറ്റേതൊരു ഏക സ്ഥാപനത്തേക്കാളും ഇലക്ടറൽ ബോണ്ടുകൾ വഴി (1,368 കോടി രൂപ) കൂടുതൽ സംഭാവന നൽകിയെന്ന് വിവരം. 215 കോടി രൂപ വാർഷിക വരുമാനമുള്ള സാന്റിയാഗോ മാർട്ടിന്റെ കമ്പനി വരുമാനത്തിന്റെ ആറിരട്ടിയാണ് സംഭവാനയായി നൽകിയത്.
IFB അഗ്രോ ഇൻഡസ്ട്രീസ് 2019-20 മുതൽ 2022-23 വരെ 175 കോടി രൂപയുടെ അറ്റാദായമാണ് കണക്കുകളിൽ കാണിച്ചിരിക്കുന്നത്. 92 കോടി രൂപ അല്ലെങ്കിൽ ഈ തുകയുടെ 53% സംഭാവന നൽകി. സഞ്ജീവ് ഗോയങ്കയുടെ ഉടമസ്ഥതയിലുള്ള ഹാൽദിയ എനർജി ലിമിറ്റഡ് 377 കോടിയും ധരിവാൾ ഇൻഫ്രാ ലിമിറ്റഡ് 115 കോടി രൂപയുമാണു ബോണ്ടിൽ നിക്ഷേപിച്ചത്.
എല്ലാ വലിയ ദാതാക്കളും അവരുടെ കഴിവിനപ്പുറം നൽകിയിട്ടില്ല. 50 കോടി രൂപയോ അതിൽ കൂടുതലോ സംഭാവന ചെയ്ത ഖനന, ലോഹ ഭീമൻ വേദാന്ത, ജിൻഡാൽ സ്റ്റീൽ, പവർ, ഫാർമസ്യൂട്ടിക്കൽസ് തുടങ്ങിയ വലിയ സ്ഥാപനങ്ങളിൽ, സംഭാവനകൾ അവരുടെ നാല് വർഷത്തിനുള്ളിൽ അറ്റാദായത്തിൻ്റെ 1% ൽ താഴെയാണ്.
ഇന്ത്യയിലെ ഏറ്റവും വിജയകരമായ ടെലികോം കമ്പനികളിലൊന്നായ ഭാരതി എയർടെൽ, നാല് വർഷമായി നഷ്ടത്തിലാണ്. അതിനാൽ അതിൻ്റെ സംഭാവനയായ 198 കോടി ലാഭത്തിൻ്റെ ശതമാനമായി കണക്കാക്കാനാവില്ല.
