വാഷിംഗ്ടൺ: നവംബറിലെ തെരഞ്ഞെടുപ്പിൽ റിപ്പബ്ലിക്കൻ പ്രസിഡൻ്റ് സ്ഥാനാർത്ഥി വൈറ്റ് ഹൗസ് തിരിച്ചുപിടിക്കുകയാണെങ്കിൽ, കോടീശ്വരനായ എലോൺ മസ്കിനെ നയ ഉപദേഷ്ടാവാക്കാൻ ഡൊണാൾഡ് ട്രംപ് ആലോചിക്കുന്നതായി ചർച്ചകൾ നടക്കുന്നുവെന്ന് വാൾസ്ട്രീറ്റ് ജേണൽ റിപ്പോർട്ട് ചെയ്യുന്നു.
സോഷ്യല് മീഡിയ പ്ലാറ്റ്ഫോമായ എക്സിന്റെയും സ്പേസ് എക്സിന്റെയും ടെസ്ലയും ഉടസമസ്ഥനായ മസ്കിന് സാമ്പത്തിക, അതിര്ത്തി സുരക്ഷാ നയങ്ങളില് എത്തരത്തില് സ്വാധീനം ചെലുത്താമെന്നതിനെക്കുറിച്ച് ഇരുവരും ചര്ച്ച ചെയ്തതായി റിപ്പോര്ട്ടില് പറയുന്നു.
2020ലെ തെരഞ്ഞെടുപ്പില് ട്രംപിനെ തോല്പ്പിക്കുകയും രണ്ടാം തവണ അധികാരം നേടുകയും ചെയ്ത ഡെമോക്രാറ്റിക് പ്രസിഡന്റ് ജോ ബൈഡനെ പിന്തുണയ്ക്കരുതെന്ന് ശക്തരായ യുഎസ് ബിസിനസ് നേതാക്കളെ ബോധ്യപ്പെടുത്താന് ലക്ഷ്യമിട്ടുള്ള തന്റെ സ്വാധീന പ്രചാരണത്തെക്കുറിച്ച് മസ്ക് ട്രംപിനെ അറിയിച്ചതായും ഡബ്ല്യുഎസ്ജെ പറഞ്ഞു.
ശതകോടീശ്വരന് നിക്ഷേപകനായ നെല്സണ് പെല്റ്റ്സും ഭാഗമായ ആ ചര്ച്ചകളില് ‘വോട്ടര് തട്ടിപ്പ് തടയുന്നതിനുള്ള ഡാറ്റാധിഷ്ഠിത പദ്ധതി’ക്ക് ധനസഹായം നല്കുന്നതിനെക്കുറിച്ചുള്ള ചര്ച്ചകളും ഉള്പ്പെടുന്നു. കൂടുതല് വിശദാംശങ്ങള് അറിവായിട്ടില്ലെന്ന് റിപ്പോര്ട്ടില് പറയുന്നു.
