അതിരമ്പുഴ: മലയാള മനോരമ മുന്‍ അസി.എഡിറ്റര്‍ കെ.പി. ജോസഫ് കൊട്ടാരം (89) അന്തരിച്ചു. മൃതദേഹം ബുധനാഴ്ച രാവിലെ അതിരമ്പുഴ മറ്റം കവലയിലുള്ള വീട്ടില്‍ കൊണ്ടുവരും. സംസ്‌കാരം ഉച്ച കഴിഞ്ഞ് മൂന്നിന് സെന്റ് മേരീസ് ഫൊറോനാ പള്ളിയില്‍.
സര്‍ക്കാര്‍ ഉദ്യോഗസ്ഥനായിരിക്കെ 1963ല്‍ മാമ്മന്‍ മാപ്പിള സ്‌കോളര്‍ഷിപ് നേടിയാണ് മലയാള മനോരമയില്‍ പ്രവേശിച്ചത്. ഏറെക്കാലം മനോരമ ബിസിനസ് പേജിന്റെ ചുമതല വഹിച്ചു. കോട്ടയം പ്രസ് ക്ലബ് പ്രസിഡന്റ്, കേരള പത്രപ്രവര്‍ത്തക യൂണിയന്‍ സംസ്ഥാന വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചു. ചങ്ങനാശേരി അതിരൂപതാ പാസ്റ്ററല്‍ കൗണ്‍സില്‍ അംഗമായും പ്രവര്‍ത്തിച്ചു.
ഭാര്യ പരേതയായ റോസമ്മ പൊന്‍കുന്നം താന്നിക്കപ്പാറ കുടുംബാംഗമാണ്. മക്കള്‍: ജോഷി ജോസഫ് (കോര്‍പറേറ്റ് മാനേജര്‍ , എംആര്‍എഫ് ചെന്നൈ), ഡോ. സോഫിയാമ്മ ജോസഫ് (ഫിസിയോളജി അസി. പ്രഫസര്‍ , മെഡിക്കല്‍ കോളജ് കോട്ടയം ), തോമസുകുട്ടി ജോസഫ് . മരുമക്കള്‍: ലേഖ ജോഷി (ആര്‍ക്കിടെക്ട്, ചെന്നൈ), ഏറ്റുമാനൂര്‍ രത്‌നഗിരി കരിങ്ങോട്ടില്‍ ക്രിസ്റ്റിന്‍.
