ആറ്റിങ്ങൽ: മുൻ സ്പോർട്സ് താരം ഡി. ഉണ്ണികൃഷ്ണൻ (90) നിര്യാതനായി. ആറ്റിങ്ങൽ വലിയകുന്ന് ചിത്രജ്യോതിയിലായിരുന്നു അന്ത്യം. സംസ്കാരം വിദേശത്തുള്ള മക്കൾ എത്തിയതിനു ശേഷം. ഭാര്യ: ആദ്യകാല സ്പോർട്സ് താരം രമാഭായ് ഉണ്ണികൃഷ്ണൻ. മക്കൾ: ഗിരിജവല്ലഭ രാജ്‌കുമാർ (യുഎസ്എ), ഉമ അശ്വതി (യുകെ). മരുമക്കൾ: പ്രിയ (യുഎസ് എ), പ്രവാസ് (യുകെ).
കേരളത്തിലെ സ്പോർട്സ് രംഗത്തെയാകെ ഒരുകാലത്ത് നയിച്ചിരുന്ന ആറ്റിങ്ങൽ അമച്വർ അത്ലറ്റിക് അസോസിയേഷന്റെ സ്ഥാപക ജനറൽ സെക്രട്ടറിയാണ്. ആറ്റിങ്ങൽ ശ്രീപാദം സ്റ്റേഡിയത്തിന്റെ സ്ഥാപനത്തിനുവേണ്ടി പ്രയത്നിച്ചിട്ടുണ്ട്. സർക്കാർ സർവീസിൽ ജില്ല ട്രഷറി ഓഫീസറായാണ് വിരമിച്ചത്.
