പട്ന: നിതീഷ് കുമാറിന്റെ രാഷ്ട്രീയ കാലുമാറ്റത്തിൽ പ്രതികരിച്ച് ആർ.ജെ.ഡി. നേതാവും മുന് ഉപമുഖ്യമന്ത്രിയുമായ തേജസ്വി യാദവ് എന്തൊക്കെ സംഭവിച്ചാലും ഇന്ത്യ സഖ്യം ബിഹാറില് ശക്തമാണെന്നും ഇപ്പോൾ നടക്കുന്ന കാര്യങ്ങളൊക്കെ നല്ലതിന് വേണ്ടിയാണെന്നും തേജസ്വി പറഞ്ഞു. 2024-ഓടെ ജെഡിയു ഇല്ലാതാകുമെന്നും ഈ കളി തങ്ങള് ഫിനിഷ് ചെയ്യുമെന്നും തേജസ്വി കൂട്ടിച്ചേർത്തു.
“കളി ഏറെ ബാക്കിയാണ്, ഇനിമുതലാണ് ആരംഭിക്കുന്നത്. നിതീഷ്കുമാർ ക്ഷീണിച്ച മുഖ്യമന്ത്രിയാണ്. ഞാൻ എഴുതിത്തരാം, 2024-ഓടെ ജെഡിയു ഇല്ലാതാകും,തുടങ്ങിയ കളി ഫിനിഷ് ചെയ്യുന്നത് ഞങ്ങളായിരിക്കും. എന്തൊക്കെ സംഭവിച്ചാലും ഇന്ത്യ സഖ്യം ശക്തമാണ്. നടക്കുന്നതൊക്കെയും നല്ലതിന് വേണ്ടിയാണ്,” തേജസ്വി യാദവ് പറഞ്ഞു.
#WATCH | On Nitish Kumar joining NDA and breaking ties with RJD, RJD leader Tejashwi Yadav says, "He was a tired CM. Khel abhi shuru huai, khel abhi baki hain. I can give you in writing that the JDU party will be finished in 2024. The public is with us…" pic.twitter.com/yQfQmodkEh
— ANI (@ANI) January 28, 2024
അതേസമയം, ബിഹാറിൽ പുതുതായി സത്യപ്രതിജ്ഞ ചെയ്ത എൻഡിഎ സർക്കാർ സംസ്ഥാനത്തിൻ്റെ വികസനത്തിനും ജനങ്ങളുടെ അഭിലാഷങ്ങൾ നിറവേറ്റുന്നതിനും പ്രതിജ്ഞാബദ്ധരായിരിക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞു. സത്യപ്രതിജ്ഞ ചെയ്ത മുഖ്യമന്ത്രി നിതീഷ് കുമാറിനെയും അദ്ദേഹത്തിൻ്റെ രണ്ട് ജനപ്രതിനിധികളെയും അഭിനന്ദിച്ചു.
