പൊന്നാനി: വീട്ടിലെ ലോക്കറില് സൂക്ഷിച്ചിരുന്ന 350 പവനോളം സ്വര്ണം കവര്ന്നു. പൊന്നാനിയിലെ അടച്ചിട്ട വീട് കുത്തിത്തുറന്നാണ് കവര്ച്ച നടത്തിയിരിക്കുന്നത്. ജോലിക്കാരി എത്തി വീടുവൃത്തിയാക്കുന്നതിനിടെയാണ് മോഷണ വിവരം മനസിലാക്കിയത്. ഇവര് ഉടന് തന്നെ വീട്ടുകാരെയും, പോലീസിനെയും വിവരം അറിയിക്കുകയായിരുന്നു.
വീട്ടുടമസ്ഥരായ മണല്ത്തറയില് രാജീവും, കുടുംബവും വിദേശത്താണ് താമസിക്കുന്നത്. കുടുംബത്തോടൊപ്പം ദുബായില് താമസിക്കുന്ന രാജീവും കുടുബവും രണ്ട് ആഴ്ച മുമ്പാണ് നാട്ടില് വന്ന് തിരിച്ച് പോയത്. ഇവര് വീട്ടിലെ ലോക്കറില് സൂക്ഷിച്ചിരുന്ന 350 പവനോളം സ്വര്ണം നഷ്ടമായെന്നാണ് പ്രാഥമിക നിഗമനം.
ശനിയാഴ്ച വൈകുന്നേരം നാല് മണിയോടെ വീട് വൃത്തിയാക്കാനായി എത്തിയ ജോലിക്കാരിയാണ് വീടിന്റെ പുറക് വശത്തെ ഗ്രില്ല് പൊട്ടിച്ച നിലയില് കണ്ടത്. അകത്ത് കയറി നോക്കിയപ്പോള് മുറികളും അലമാരകളും തുറന്നിട്ട നിലയില് കാണുകയായിരുന്നു. തുടര്ന്ന് നടത്തിയ പരിശോധനയിലാണ് ലോക്കറില് സൂക്ഷിച്ച 2 കോടിയോളം രൂപ വില വരുന്ന 350 പവനോളം സ്വര്ണ്ണം മോഷണം പോയതായി അറിയുന്നത്.
