തിരുവനന്തപുരം: വാര്ഡ് വിഭജനത്തില് സംസ്ഥാന സര്ക്കാറിന് ഹൈക്കോടതിയിൽ തിരിച്ചടി. എട്ട് നഗരസഭകളിലെ വാര്ഡ് വിഭജനത്തില് സര്ക്കാര് ഉത്തരവ് ഹൈക്കോടതി റദ്ദാക്കി. മട്ടന്നൂര്, ശ്രീകണ്ഠാപുരം, പാനൂര്, കൊടുവള്ളി, പയ്യോളി, മുക്കം, ഫറോക്ക്, പട്ടാമ്പി വാര്ഡുകളിലെ വിഭജന ഉത്തരവാണ് റദ്ദാക്കിയത്. പടന്ന ഗ്രാമപഞ്ചായത്തിലെ വാര്ഡ് വിഭജനവും റദ്ദാക്കിയിട്ടുണ്ട്.
വാര്ഡ് വിഭജനം അശാസ്ത്രീയവും നിയമവിരുദ്ധവുമാണെന്ന് കാണിച്ച് മുസ്ലീം ലീഗ് കൗണ്സിലര്മാര് അടക്കം സമര്പ്പിച്ച ഹര്ജികളാണ് ഹൈക്കോടതി പരിഗണിച്ചത്. 2011ലെ സെന്സെസ് അടിസ്ഥാനമാക്കിയാണ് 2015ല് വാര്ഡ് വിഭജിച്ചത്. ഇതിന് ശേഷം വാര്ഡ് വിഭജനം നടത്തണമെങ്കില് പുതിയ സെന്സെസ് വേണമെന്നാണ് ഹര്ജിക്കാര് പറഞ്ഞത്. പുതിയ സെന്സെസ് ഇതുവരെ വന്നിട്ടില്ല. അതുകൊണ്ട് വാര്ഡ് വിഭജനം നിയമവിരുദ്ധമാണെന്ന ഹര്ജിക്കാരുടെ വാദം അംഗീകരിച്ച് കൊണ്ട് ആണ് ഹൈക്കോടതി ഉത്തരവ്.
