വാസ്കോ: കാലിഫോർണിയയിലെ വാസ്‌കോയിലുണ്ടായ ദാരുണമായ ട്രെയിൻ അപകടത്തിൽ മരിച്ച കാൽനടയാത്രക്കാരന്റെ അറ്റുപോയ കാലുമായി കടന്നു കളയുകയും ശേഷം അതു ഭക്ഷിക്കുകയും ചെയ്തതിന് ഒരാളെ അറസ്റ്റ് ചെയ്തു. സംഭവത്തിൽ കേൺ കൗണ്ടി ഷെരീഫ് ഓഫീസ് അന്വേഷണം ആരംഭിച്ചു.
ബേക്കേഴ്‌സ്ഫീൽഡിൽ നിന്ന് ഏകദേശം 25 മൈൽ വടക്കുപടിഞ്ഞാറായി സ്ഥിതി ചെയ്യുന്ന വാസ്കോയിലെ പ്രാദേശിക ആംട്രാക്ക് സ്റ്റേഷനിലാണ് സംഭവം നടന്നത്.
അധികാരികൾ പറയുന്നതനുസരിച്ച്, ഒരു കാൽനടയാത്രക്കാരനെ ട്രെയിൻ ഇടിച്ചു തെറിപ്പിച്ചു. ഇയാൾ സംഭവസ്ഥലത്തുവച്ചു തന്നെ മരിക്കുകയും ഒരു കാല് അറ്റുപോകുകയും ചെയ്തു.
27 കാരനായ റെസെൻഡോ ടെല്ലെസ് എന്നയാൾ അപകടസ്ഥലത്തേക്ക് ധൈര്യത്തോടെ സമീപിക്കുന്നത് കണ്ട ദൃക്‌സാക്ഷികൾ സ്തംഭിച്ചുപോയി. കാഴ്ചക്കാർ പകർത്തിയ ദൃശ്യങ്ങളിൽ, സംഭവസ്ഥലത്തു നിന്ന് കടന്നുകളയുന്നതിന് മുമ്പ് ടെല്ലസ് അറ്റുപോയ കാൽ സൂക്ഷ്മമായി പരിശോധിക്കുന്നത് കാണാം.
നിയമപാലകരുടെ സാന്നിധ്യവും പരിഭ്രാന്തരായ കാഴ്ചക്കാരും ഉണ്ടായിരുന്നിട്ടും, ടെല്ലസ് പശ്ചാത്താപത്തിൻ്റെയോ ആശങ്കയുടെയോ ലക്ഷണങ്ങളൊന്നും കാണിച്ചില്ല. അറ്റുപോയ കാൽ നിസ്സംഗതയോടെ വീശി രക്ഷപ്പെടുന്നതിനിടയിൽ അദ്ദേഹം ക്യാമറകൾക്ക് നേരെ കൈ വീശിയതായി റിപ്പോർട്ടുണ്ട്.
ടെല്ലെസ് അതിവേഗം അധികാരികൾ പിടികൂടി. അപകട സ്ഥലത്ത് നിന്ന് തെളിവുകൾ മോഷ്ടിച്ചതുൾപ്പെടെ ഒന്നിലധികം ആരോപണങ്ങളാണ് ഇയാൾക്കെതിരെ. അതേസമയം, കൊല്ലപ്പെട്ടയാളുടെ വിവരങ്ങൾ വെളിപ്പെടുത്തിയിട്ടില്ല.
