തിരുവനന്തപുരം: സി.എം.ആര്.എല് മാസപ്പടി വിഷയത്തില് മുഖ്യമന്ത്രിക്കും മകള് വീണ വിജയനുമെതിരെ മാത്യു കുഴല്നാടന് എംഎല്എ നല്കിയ ഹര്ജി ഇന്ന് തിരുവനന്തപുരം വിജിലന്സ് കോടതിയുടെ പരിഗണനയ്ക്കെത്തും.
കരിമണല് ഖനനത്തിന് സിഎംആര്എല് കമ്പനിക്ക് വഴിവിട്ട് സഹായം നല്കിയെന്നും പ്രത്യുപകാരമായി മുഖ്യമന്ത്രിയുടെ മകള്ക്ക് സിഎംആര്എല് കമ്പനി മാസപ്പടി കൊടുത്തുവെന്നുമാണ് മാത്യു കുഴല്നാടന്റെ ആരോപണം. ഇതില് താന് നല്കിയ പരാതിയില് വിജിലന്സ് നടപടിയെടുത്തില്ലെന്ന് ചൂണ്ടിക്കാട്ടിയാണ് ഹര്ജി. രേഖകള് സഹിതമാണ് അദ്ദേഹം വിജിലന്സിന് പരാതി സമര്പ്പിച്ചത്. എന്നാല് ഈ ഹര്ജി നിലനില്ക്കില്ലെന്നും ആദായ നികുതി സെറ്റില്മെന്റ് ബോര്ഡിന്റെ തീരുമാനംവിജിലന്സിന്റെ പരിധിയില് പരിശോധിക്കാനാകില്ലെന്നുമാണ് വിജിലന്സ് സ്വീകരിച്ച നിലപാട്. കേസ് തള്ളണമെന്ന വിജിലന്സ് വാദം ഇന്ന് കോടതി പരിശോധിക്കും.
Matthew Kuzhalnadan’s petition against the Chief Minister and his daughter will be heard today
