കൊച്ചി: പ്രധാനമന്ത്രി നരേന്ദ്രമോദിയുടെ ക്രിസ്മസ് വിരുന്നില് പങ്കെടുത്ത ബിഷപ്പുമാർക്കെതിരായ പ്രസ്താവനയില് വിശദീകരണവുമായി സാംസ്കാരിക വകുപ്പ് മന്ത്രി സജി ചെറിയാൻ. മണിപ്പൂര് സംബന്ധിച്ച കാര്യത്തിലെ രാഷ്ട്രീയ നിലപാടില് മാറ്റമില്ലെന്ന് വ്യക്തമാക്കിയ മന്ത്രി, വീഞ്ഞ്, കേക്ക് തുടങ്ങിയ പ്രസംഗത്തിലെ പ്രയോഗങ്ങള് പിൻവലിക്കുന്നുവെന്നും വാര്ത്താസമ്മേളനത്തില് പറഞ്ഞു. ബിഷപ്പുമാർക്കെതിരായ പ്രസ്താവനയിൽ പ്രതിഷേധം ഉയരുന്ന സാഹചര്യത്തിലാണ് വിശദീകരണവുമായി സജി ചെറിയാന് രംഗത്തെത്തിയത്.
ക്രൈസ്തവര്ക്ക് നേരെ കഴിഞ്ഞ വര്ശം 700 ഓളം ആക്രമണങ്ങള് നടന്നു. മണിപ്പൂരിന്റെ കാര്യത്തില് സര്ക്കാരുകള് വന് പരാജനയമാണെന്നും സജി ചെറിയാന് പറഞ്ഞു. സംഘര്ഷം ഒഴിവാക്കാന് നടപടി ഉണ്ടായില്ലെന്നും മന്ത്രി വിമര്ശിച്ചു. മോദി മണിപ്പൂര് സന്ദര്ശിക്കുകയോ പാര്ലമെന്റില് പ്രസ്താവന നടത്തുകയോ ചെയ്തില്ല.
മുസ്ലിം സമുദായങ്ങള്ക്കെതിരെയും ആക്രമണം തുടര്ക്കഥയാണെന്നും സജി ചെറിയാന് പറഞ്ഞു. ഇതിനെതിരെ ഒന്നിച്ച് പ്രതികരിക്കണമെന്നാണ് പറഞ്ഞതെന്ന് സജി ചെറിയാൻ വിശദീകരിച്ചു. ന്യൂനപക്ഷങ്ങൾക്കും ആരാധാനാലയങ്ങൾക്കും എതിരെ തുടർച്ചയായി നടക്കുന്ന ആക്രമണങ്ങളിൽ നിലപാട് പറയാത്തത് എന്തെന്നും അദ്ദേഹം ചോദിച്ചു.
