കല്പ്പറ്റ: ഉരുള്പൊട്ടല് ദുരന്തത്തില്പ്പെട്ടവര്ക്ക് ആശ്വാസമായി വയനാട്ടിലെത്തി ലെഫ്റ്റനന്റ് കേണല്ക്കൂടിയായ മോഹന്ലാല്. ആര്മി ക്യാമ്പില് എത്തിയ ശേഷമാണ് മോഹന്ലാല് ദുരിതബാധിത പ്രദേശങ്ങളിലേക്ക് എത്തിയത്.
മേപ്പാടിയിലെ ദുരിതാശ്വാസ ക്യാമ്പില് എത്തിയ അദ്ദേഹം സ്ഥിതിഗതികള് വിലയിരുത്തി. ദുരിത ബാധിതരെ സന്ദര്ശിച്ച ശേഷം മോഹന്ലാല് ദുരന്ത ഭൂമിയായ മുണ്ടക്കൈയിലേക്ക് പോയി. മാധ്യമ പ്രവര്ത്തകരെയും അദ്ദേഹം കാണും.
മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ ഇദ്ദേഹം സംഭാവന ചെയ്തിരുന്നു. വയനാട് ദുരന്തത്തിന്റെ പശ്ചാത്തലത്തില് വൈകാരികമായ കുറിപ്പും താരം പങ്കുവെച്ചിരുന്നു. വയനാട് ദുരന്തബാധിതര്ക്ക് ആശ്വാസം പകരാന് നിസ്വാര്ത്ഥരായ സന്നദ്ധപ്രവര്ത്തകര്, പൊലീസുകാര്, ഫയര് ആന്ഡ് റെസ്ക്യൂ, എന്ഡിആര്എഫ്, സൈനികര്, സര്ക്കാര് ഉദ്യോഗസ്ഥര് തുടങ്ങി അക്ഷീണം പ്രയത്നിക്കുന്ന ഓരോ വ്യക്തിയുടെയും ധൈര്യത്തെ ഞാന് സല്യൂട്ട് ചെയ്യുന്നുവെന്നും അദ്ദേഹം പറഞ്ഞിരുന്നു.
