കാബൂൾ: വടക്കൻ അഫ്ഗാനിസ്ഥാനിൽ ഉണ്ടായ വെള്ളപ്പൊക്കത്തിൽ 200 ലധികം ആളുകൾ മരിച്ചുവെന്ന് ഐക്യരാഷ്ട്രസഭ ശനിയാഴ്ച അറിയിച്ചു. വെള്ളിയാഴ്ച പെയ്ത കനത്ത മഴയെ തുടർന്നാണ് വെള്ളപ്പൊക്കമുണ്ടായത്. ഇതേതുടർന്ന് ബഗ്ലാൻ പ്രവിശ്യയിൽ 200-ലധികം ആളുകൾ കൊല്ലപ്പെടുകയും ആയിരക്കണക്കിന് വീടുകൾ തകരുകയും കേടുപാടുകൾ സംഭവിക്കുകയും ചെയ്തതായി യുഎൻ ഇൻ്റർനാഷണൽ ഓർഗനൈസേഷൻ ഫോർ മൈഗ്രേഷൻ പറഞ്ഞതായി എഎഫ്‌പി റിപ്പോർട്ട് ചെയ്യുന്നു.
ബഗ്‌ലാനി ജാദിദ് ജില്ലയിൽ മാത്രം 1,500 വീടുകൾക്ക് കേടുപാടുകൾ സംഭവിക്കുകയും തകരുകയും ചെയ്തു, “നൂറിലധികം ആളുകൾ മരിച്ചു”, അഫ്ഗാനിസ്ഥാൻ നാഷണൽ ഡിസാസ്റ്റർ മാനേജ്‌മെൻ്റ് അതോറിറ്റിയുടെ കണക്കുകൾ ഉദ്ധരിച്ച് ഐഒഎം എമർജൻസി റെസ്‌പോൺസ് ലീഡ് പറഞ്ഞു.
വെള്ളിയാഴ്ച രാത്രി വരെ 62 പേർ മരിച്ചതായി താലിബാൻ സർക്കാർ അറിയിച്ചു. “നമ്മുടെ നൂറുകണക്കിന് സഹ പൗരന്മാർ ഈ ദുരന്തകരമായ വെള്ളപ്പൊക്കത്തിന് കീഴടങ്ങി” എന്ന് വക്താവ് സബിഹുല്ല മുജാഹിദ് പറഞ്ഞു. അഫ്ഗാനിസ്ഥാനിലുടനീളമുള്ള ഒന്നിലധികം പ്രവിശ്യകളിൽ വെള്ളപ്പൊക്കമുണ്ടായി, വടക്കൻ തഖർ പ്രവിശ്യയിലെ ഉദ്യോഗസ്ഥർ ശനിയാഴ്ച 20 പേർ മരിച്ചതായി റിപ്പോർട്ട് ചെയ്തു.
