കൊച്ചി: രാജ്യത്ത് മൂന്നാഴ്ച ലോക്ഡൗണ് വരുമെന്ന് വ്യാജപ്രചരണം നടത്തിയ ആള് പിടിയില്. ചമ്രവട്ടം മുണ്ടുവളപ്പില് ഷറഫുദീനെ (45)യാണ് തിരൂര് പൊലീസ് അറസ്റ്റു ചെയ്തത്. ഫേസ്ബുക്കിലൂടെയാണ് ഇയാള് വ്യാജ പ്രചരണം നടത്തിയത്.
സൈബര് കുറ്റകൃത്യങ്ങള് നിരീക്ഷിച്ചു വരുന്ന കൊച്ചി ആസ്ഥാനമായ സൈബര് ഡോമില് നിന്നു ലഭിച്ച വിവരത്തിന്റെ അടിസ്ഥാനത്തിലാണ് തിരൂര് പൊലീസ് കേസ് എടുത്തത്.
രാജ്യത്ത് മാര്ച്ച് 25ന് അര്ധരാത്രി മുതല് മൂന്നാഴ്ച ലോക്ഡൗണ് ആണെന്നും ഈ സമയം ബി.ജെ.പിക്ക് അനുകൂലമായി ഇ.വി.എം മെഷീന് തയ്യാറാക്കുമെന്നും ശേഷം അരവിന്ദ് കെജ്രിവാളിന് ജാമ്യം ലഭിക്കുമെന്നുമാണ് ഷറഫുദീന് ഫേസ്ബുക്കിലൂടെ പ്രചരിപ്പിച്ചത്.
