കോട്ടയം: പാലക്കാട് ഉപതിരഞ്ഞെടുപ്പില്‍ മിന്നും വിജയം നേടിയ യുഡിഎഫ് സ്ഥാനാര്‍ത്ഥി രാഹുല്‍ മാങ്കൂട്ടത്തില്‍ പുതുപ്പള്ളിയില്‍ ഉമ്മന്‍ ചാണ്ടിയുടെ കല്ലറയില്‍ എത്തി പുഷ്പാര്‍ച്ചന നടത്തി. ഇന്ന് രാവിലെയാണ് പി.സി.വിഷ്ണുനാഥ് എംഎല്‍എ, കെ.സി.ജോസഫ് ഉള്‍പ്പടെയുള്ളവര്‍ക്കൊപ്പം നിയുക്ത എംഎല്‍എ രാഹുല്‍ പുതുപ്പള്ളിയിലെത്തിയത്. പാലക്കാട്ടേക്ക് പ്രചാരണത്തിനു പോകുന്നതിനു മുമ്പും രാഹുല്‍ ഉമ്മന്‍ ചാണ്ടിയുടെ കല്ലറയില്‍ എത്തിയിരുന്നു.
രാഷ്ട്രീയ യാത്ര തുടങ്ങിയതും മുന്നോട്ടു പോകുന്നതും എവിടെ നിന്നാണെന്നും, രാഷ്ട്രീയ നേട്ടമല്ല,ജീവിതത്തില്‍ പോസിറ്റീവായും നെഗറ്റീവായും എന്ത് സംഭവിച്ചാലും ആദ്യം ഓര്‍ക്കാന്‍ ആഗ്രഹിക്കുന്ന പേര് ഉമ്മന്‍ ചാണ്ടിയുടെതാണെന്നും രാഹുല്‍ മങ്കൂട്ടത്തില്‍ പറഞ്ഞു.
