തിരുവനന്തപുരം: സംസ്ഥാനത്ത് വ്യാപകമായി മഴ തുടരുന്ന സാഹചര്യത്തില് മഴക്കെടുതിയെ നേരിടാന് കണ്ട്രോള് റൂം സജ്ജമാക്കി. തദ്ദേശസ്വയം ഭരണ വകുപ്പിന്റെ നേതൃത്വത്തിലാണ് കണ്ട്രോള് റൂം പ്രവര്ത്തനമാരംഭിച്ചത്. തിരുവനന്തപുരം പ്രിന്സിപ്പല് ഡയറക്ടറേറ്റിലാണ് 24 മണിക്കൂറും പ്രവര്ത്തിക്കുന്ന കണ്ട്രോള് റൂം. 0471 2317214 ആണ് നമ്പര്.
മഴയെ തുടര്ന്ന് രൂപപ്പെട്ട വെള്ളക്കെട്ടുകള്, പെട്ടെന്നുണ്ടായ പകര്ച്ചവ്യാധികള് മറ്റ് ബുദ്ധിമുട്ടുകള് എന്നിവ സംബന്ധിച്ച് പൊതുജനങ്ങള്ക്ക് ഈ നമ്പറില് വിളിച്ച് അറിയിക്കാവുന്നതാണ്. പൊതുജനങ്ങള് ഈ സേവനം പരമാവധി ഉപയോഗപ്പെടുത്തണമെന്ന് തദ്ദേശസ്വയംഭരണ വകുപ്പ് പ്രിന്സിപ്പല് ഡയറക്ടര് എം ജി രാജമാണിക്യം അഭ്യര്ത്ഥിച്ചു.
