ശബരിമല: മകരവിളക്കിന് മുന്നോടിയായി ശബരിമലയില് ഭക്തര്ക്ക് നിയന്ത്രണമേര്പ്പെടുത്തുനന്തിന്റെ ഭാഗമായി ജനുവരി പത്ത് മുതല് സ്പോട്ട് ബുക്കിങ് ഉണ്ടാകില്ലെന്ന് ദേവസ്വം ബോര്ഡ്. മകരവിളക്ക് ദിവസത്തില് 40,000 പേര്ക്ക് മാത്രമേ വെര്ച്വല് ക്യൂ അനുവദിക്കുകയുള്ളൂവെന്നും ദേവസ്വം ബോര്ഡ് അറിയിച്ചു. പോലീസിന്റെ നിര്ദേശം കൂടി പരിഗണിച്ചാണ് തീരുമാനം.
ശബരിമലയില് മകരവിളക്ക് ദിവസവും തലേന്നാളിലും വെര്ച്വല് ക്യൂ പരിമിതപ്പെടുത്തണമെന്ന പോലീസ് തിരുവിതാംകൂര് ദേവസ്വം ബോര്ഡിനോട് ആവശ്യപ്പെട്ടിരുന്നു. 14ാം തീയതി വെര്ച്വല് ക്യൂ ബുക്കിംഗ് പരിധി 50,000 ആണ്. ശബരിമല ദര്ശനത്തിനായി മകരവിളക്ക് ദിനമായ ജനുവരി 15 ന് 40,000 പേര്ക്ക് മാത്രമെ വെര്ച്വല് ക്യൂ ബുക്ക് ചെയ്ത് എത്തിച്ചേരാന് കഴിയുകയുള്ളൂ.
14, 15 എന്നീ തിയതികളില് ശബരിമലയില് വലിയ ഭക്തജനതിരക്ക് ഉണ്ടാകുമെന്നതിനാല് മാളികപ്പുറങ്ങളും കുട്ടികളും അന്നേദിവങ്ങളില് ശബരിമല ദര്ശനം ഒഴിവാക്കുന്നത് അഭികാമ്യമായിരിക്കുമെന്ന് ദേവസ്വം ബോര്ഡ് പ്രസിഡന്റ് പിഎസ് പ്രശാന്ത് അഭ്യര്ത്ഥിച്ചു. 16 മുതല് 20 വരെയുള്ള തീയതികളില് കൂടുതല് ഭക്തര്ക്ക് ദര്ശനത്തിനായി സൗകര്യം ഒരുക്കിയിട്ടുണ്ട്. ഈ സൗകര്യം ഭക്തര് പ്രയോജനപ്പെടുത്തണമെന്നും ദേവസ്വം ബോര്ഡ് പ്രസിഡന്റ് പറഞ്ഞു.
