കൊച്ചി: സംസ്ഥാനത്ത് ദിനം പ്രതി ഉയര്‍ന്ന താപനിലയെ തണുപ്പിക്കാന്‍ ഒരു വേനല്‍ മഴ എത്തിയേക്കുമെന്ന് കാലാവസ്ഥാ പ്രവചനം. കേരളത്തിന് നാളെ മുതല്‍ വേനല്‍ മഴ ലഭിച്ചേക്കും.
നാളെ 10 ജില്ലകളിലും മറ്റന്നാള്‍ 12 ജില്ലകളിലുമാണ് കേരളത്തില്‍ മഴ സാധ്യതയുള്ളത്. പത്തനംതിട്ട, എറണാകുളം, ഇടുക്കി, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് മഴ സാധ്യത.
മറ്റന്നാള്‍ ഈ ജില്ലകള്‍ക്കൂടാതെ കോട്ടയം, ആലപ്പുഴ ജില്ലകളിലും മഴ സാധ്യത പ്രവചിക്കുന്നുണ്ട്. അതേസമയം, തിരുവനന്തപുരം, കൊല്ലം ജില്ലയ്ക്ക് മഴസാധ്യത പ്രവചിച്ചിട്ടില്ലെന്നതും ശ്രദ്ധേയമാണ്.
അതേസമയം, കൊടും ചൂടില്‍ വിയര്‍ത്ത് വലയുന്ന കേരളത്തിന് മാര്‍ച്ച് ഇതുവരെയുള്ള കണക്ക് പ്രകാരം കഴിഞ്ഞ അഞ്ച് വര്‍ഷത്തിനിടയില്‍ ഏറ്റവും കുറവ് വേനല്‍ മഴ ലഭിച്ചത് ഈ വര്‍ഷമാണ്.
Tags:
