തിരുവനന്തപുരം: കടുത്ത വേനല്‍ച്ചൂട് തുടരുന്നതിനിടെ കേരളത്തിന് അശ്വാസമായി ഇന്ന് 10 ജില്ലകളില്‍ വേനല്‍ മഴ എത്തിയേക്കും.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം എറണാകുളം, തൃശ്ശൂര്‍, കോഴിക്കോട്, വയനാട്, കണ്ണൂര്‍ ജില്ലകളില്‍ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. നാളെ എറണാകുളം, തൃശ്ശൂര്‍, മലപ്പുറം, കോഴിക്കോട് ജില്ലകളിലും മഴ എത്തിയേക്കും.
അതേസമയം, മാര്‍ച്ച് 25 വരെ വിവിധ ജില്ലകളില്‍ ഉയര്‍ന്ന താപനിലയ്ക്കും സാധ്യതയുണ്ടെന്ന് മുന്നറിയിപ്പുണ്ട്. പാലക്കാട്, കൊല്ലം, പത്തനംതിട്ട, കോട്ടയം, ആലപ്പുഴ, തൃശ്ശൂര്‍, തിരുവനന്തപുരം, കോഴിക്കോട്, കണ്ണൂര്‍, കാസറഗോഡ് ജില്ലകളിലാണ് താപനില ഉയരുക.
Tags:
