ഹൂസ്റ്റൺ: അന്തരിച്ച ഫൊക്കാന നേതാവും അമേരിക്കൻ മലയാളി സാമൂഹ്യ സാംസ്കാരിക മണ്ഡലങ്ങളിൽ നിറസാന്നിധ്യവുമായിരുന്ന ടി.എസ്.ചാക്കോയുടെ അനുസ്മരണ സമ്മേളനം ഫൊക്കാന ടെക്സാസ് റീജിയൻ്റെ നേതൃത്വത്തിൽ ഹൂസ്റ്റണിൽ വച്ച് നടത്തുന്നു.
ഹൂസ്റ്റണിലെ പ്രശസ്തമായ കൂപ്പർ വാൽവ് കമ്പനി സമുച്ചയത്തിലെ കോൺഫ്രൻസ് ഹാളിൽ ഓഗസ്റ്റ് ഏഴാം തീയതി ബുധനാഴ്ച വൈകുന്നേരം 7 മണിക്കായിരിക്കും പരിപാടി നടക്കുക.
ഫൊക്കാനാ റീജിയണൽ വൈസ് പ്രസിഡൻ്റ് ഫാൻസിമോൾ പള്ളാത്തു മഠം അദ്ധ്യക്ഷത വഹിക്കുന്ന സമ്മേളനത്തിന്, മുൻ ഫൊക്കാന പ്രസിഡൻ്റ് ജി.കെ.പിള്ള, ഫൊക്കാനാ ട്രസ്റ്റി ബോർഡ് സെക്രട്ടറി ഏബ്രഹാം ഈപ്പൻ, ഡോ. രഞ്ജിത് പിള്ള, സന്തോഷ് ഐപ്പ്, റെജി കുര്യൻ എന്നിവർ നേതൃത്വം നൽകും.
ഹൂസ്റ്റണിലെ സാമൂഹ്യ സാംസ്കാരിക പ്രവർത്തകർക്കൊപ്പം എല്ലാ പൊതുജനങ്ങളെയും സ്വാഗതം ചെയ്യുന്നതായി സംഘാടകർ അറിയിച്ചു.
പരിപാടികൾ നടക്കുന്നത് 11706 Garden St, Houston,TX 77071 എന്ന വിലാസത്തിലായിരിക്കും.
