ചങ്ങനാശ്ശേരി: ചങ്ങനാശ്ശേരി കറുകച്ചാല് തൊണ്ണശേരിയില് ടോറസും ബൈക്കും കൂട്ടിയിടിച്ച് യുവാവ് മരിച്ചു. പത്തനംതിട്ട വെണ്ണിക്കുളം പടുതോട് മേച്ചേരില് വീട്ടില് അതുല് (23) ആണ് മരിച്ചത്.
അതുല് സഞ്ചരിച്ച ബൈക്കില് എതിര് ദിശയില് നിന്നും എത്തിയ ടോറസ് ലോറി ഇടിക്കുകയായിരുന്നു. ഇടിയുടെ ആഘാതത്തില് അതുല് റോഡിലേക്ക് വീഴുകയും ലോറി ശരീരത്തിലൂടെ കയറിയിറങ്ങുകയുമായിരുന്നു. അതുല് തല്ക്ഷണം മരണം സംഭവിച്ചു.
ഇന്ന് രാവിലെ 7.30 നായിരുന്നു അപകടം. മൃതദേഹം കോട്ടയം ജില്ലാ ജനറല് ആശുപത്രി മോര്ച്ചറിയിലേക്ക് മാറ്റി.
Tags:
