നല്ല ശിവന്‍ ആണേല്‍ പാപി കത്തിയെരിഞ്ഞു പോകും, ഇത് ഡ്യൂപ്ലിക്കേറ്റ് ശിവന്‍ : മുഖ്യമന്ത്രിയ്ക്ക് മറുപടിയുമായി വിഡി സതീശന്‍

തിരുവനന്തപുരം: ബിജെപി നേതാവും കേരളത്തിന്റെ ബിജെപി പ്രഭാരിയുമായ പ്രകാശ് ജാവദേക്കറും എല്‍.ഡി.എഫ് കണ്‍വീനര്‍ ഇ.പി ജയരാജനും തമ്മില്‍ കൂടിക്കാഴ്ച നടത്തിയെന്നതു ഇപി ജയരാജന്‍ തന്നെ സമ്മതിച്ച സാഹചര്യത്തില്‍ വിഷയത്തില്‍ പ്രതികരണവുമായി പ്രതിപക്ഷ നേതാവ് വിഡി സതീശന്‍. മകന്റെ ഫ്‌ളാറ്റില്‍ വെച്ച് ജാവദേക്കറിനെ കണ്ട കാര്യം തുറന്നുപറഞ്ഞ ജയരാജനെ മുഖ്യമന്ത്രി കണക്കിന് വിമര്‍ശിക്കുകയും രൂക്ഷമായ പ്രതികരണം നടത്തുകയും ചെയ്‌തിരുന്നു. ഇ.പി. ജയരാജന്റെ ജാഗ്രതക്കുറവിനെക്കുറിച്ച് പറഞ്ഞ മുഖ്യമന്ത്രി പാപിയുടെ കൂടെ ശിവന്‍ കൂടിയാല്‍ ശിവനും പാപിയായിടുമെന്നാണ് രാവിലെ വോട്ട് രേഖപ്പെടുത്തിയതിനുശേഷം പ്രതികരിച്ചത്.

എന്നാലിപ്പോള്‍ മുഖ്യമന്ത്രിക്ക് മറുപടിയുമായെത്തിയ പ്രതിപക്ഷ നേതാവാകട്ടെ, നല്ല ശിവന്‍ ആണേല്‍ പാപി കത്തിയെരിഞ്ഞു പോകുമെന്നും ഇത് ഡ്യൂപ്ലിക്കേറ്റ് ശിവനാണെന്നുമാണ് മറുപടി നല്‍കിയത്‌. മാത്രമല്ല, കൂട്ട് പ്രതിയെ തള്ളിപ്പറഞ്ഞു രക്ഷപെടാനാണ് മുഖ്യപ്രതി ശ്രമിക്കുന്നതെന്നും നന്ദകുമാറുമായുള്ള ബന്ധം മാത്രമാണ് മുഖ്യമന്ത്രിയുടെ പ്രശ്‌നമെന്നും ജാവദേക്കറെ കണ്ടതിനെ മുഖ്യമന്ത്രി ന്യായീകരിക്കുകയാണെന്നും വ്യക്തമാക്കി.

ഒരു സീറ്റും ജയിക്കില്ല എന്നുറപ്പുള്ള മുഖ്യമന്ത്രി ഇ.പി ജയരാജനെ ബലിയാടാക്കിയെന്നും തിരഞ്ഞെടുപ്പില്‍ തോറ്റതിന്റെ കാരണക്കാരനാക്കി വെറുക്കപ്പെടാന്‍ വിധിക്കപ്പെട്ടവനാണ് ഇപിയെന്നും സതീശന്‍ പരിഹസിച്ചു.

More Stories from this section

family-dental
witywide