ചിക്കാഗോ: ചിക്കാഗോയിൽ നടന്ന ഡെമോക്രാറ്റിക് നാഷണൽ കൺവെൻഷനിലെ വികാരഭരിതമായ വിടവാങ്ങൽ പ്രസംഗത്തിൽ, പ്രസിഡൻ്റ് ജോ ബൈഡൻ മുൻ പ്രസിഡൻ്റ് ഡോണൾഡ് ട്രംപിനെതിരെ രൂക്ഷമായ വിമർശനം നടത്തി. ട്രംപിനെ “പരാജിതൻ” എന്ന് മുദ്രകുത്തിയെ ബൈഡൻ സ്വന്തം പാരമ്പര്യത്തെ ശക്തമായി പ്രതിരോധിച്ചു.
“നമ്മൾ തോൽക്കുന്നുവെന്ന് ഡോണാൾഡ് ട്രംപ് പറയുന്നു, പക്ഷേ അവനാണ് പരാജിതൻ,” ബൈഡൻ പ്രഖ്യാപിച്ചു. തൻ്റെ ഭരണനേട്ടങ്ങളും ട്രംപ് ഭരണകാലത്തെ പരാജയങ്ങളെയും അദ്ദേഹം വിവരിച്ചു. “അദ്ദേഹത്തിന് തെറ്റിപ്പോയി. യുഎസ് ലോകത്തിലെ മുൻനിര രാഷ്ട്രമാണെന്ന് കരുതാത്ത ഒരു രാജ്യത്തിൻ്റെ പേര് പറയൂ. നമ്മളല്ലെങ്കിൽ ആരാണ് ലോകത്തെ നയിക്കുക?”
“ഈ രാജ്യത്തിന് വേണ്ടി ജീവൻ ബലിയർപ്പിച്ച പട്ടാളക്കാരെ, പരാജിതർ എന്ന് അവൻ വിളിച്ചു. അവൻ ആരാണെന്നാണ് അവൻ കരുതുന്നത്?” ബൈഡൻ ചോദിച്ചു. “ട്രംപ് പുടിനെ വണങ്ങുന്നു. എനിക്കൊരിക്കലും കഴിഞ്ഞിട്ടില്ല, കമലാ ഹാരിസും ഒരിക്കലും അത് ചെയ്യില്ല.”…
ട്രംപിൻ്റെ “അമേരിക്ക ഫസ്റ്റ്” സിദ്ധാന്തത്തെയും ബൈഡൻ വിമർശിച്ചു. ഇത് രാജ്യത്തിൻ്റെ ആഗോള പ്രതിച്ഛായയെ തകർത്തുവെന്ന് അദ്ദേഹം പറഞ്ഞു. യൂറോപ്പിനെ ഒന്നിപ്പിക്കാനും റഷ്യൻ ആക്രമണത്തെ ചെറുക്കാനുമുള്ള സ്വന്തം ഭരണകൂടത്തിൻ്റെ ശ്രമങ്ങളെക്കുറിച്ചും ബൈഡൻ വാചാലനായി. ഫിൻലൻഡും സ്വീഡനും ചേർന്ന് നാറ്റോയുടെ വിപുലീകരണം തൻ്റെ വിദേശനയത്തിൻ്റെ വിജയത്തിന് ഉദാഹരണമായി അദ്ദേഹം ഉദ്ധരിച്ചു.
